Jurnalist İmran Əliyevə qarşı yeni ittiham irəli sürülüb
"Meclis.info" platformasının həbsdə olan rəhbəri İmran Əliyevə qarşı yeni ittiham irəli sürüldüyü deyilir.
Əliyevin yaxınları Turana deyib ki, aprelin 26-da İmraan Əliyevə qarşı Cinayət Məcəlləsinin 206.3.1 ( Qaçaqmalçılıq- təkrar törədildikdə) maddəsi ilə də ittiham irəli sürülüb.
Bundan əvvəl ona qarşı CM-nin 206.3.2 (Qaçaqmalçılıq- qabaqcadan əlbir olan bir qrup şəxs tərəfindən törədildikdə) maddəsilə ittiham elan olunmuşdu. Beləliklə indi Əliyev Cinayət Məcəlləsinin. hər iki maddəsi ilə ittiham olunur.
Hər iki maddə üzrə sanksiyalar eynidir - 5 ildən 8 ilə qədər həbs.
Lakin hər iki maddə üzrə ittihamın olması bu müddətlərin yuxarı həddinə yaxın cəza təyin edilməsi ehtimalını artırır.
* İmran Əliyev aprelin 18-də hökumətyönlü Qafqaz.info saytında Abzas Media və Toplum TV-nin əməkdaşları ilə birlikdə onun da pul qaçaqmalçılığı ilə əlaqəsi olduğu haqqında məqalə dərc edildikdən sonra saxlanılıb.
Aprelin 19-da məhkəmə Əliyevi iki ay müddətinə həbs edib. Məhkəmədə o, etiraf ifadəsi vermək məqsədilə döyüldüyünü və elektrik cərəyanından istifadə ilə işgəncələrə məruz qaldığını bildirib.
-
- Siyasət
- 27 Aprel 2024 09:36
Siyasət
-
Mayın 7-də ABŞ səfirliyi «Green Card» uduşu ilə bağlı elan dərc edib.
-
Mayın 7-də Nərimanov Rayon Məhkəməsində iqtisadçı alim Qubad İbadoğlunun üzərindən elektron bilərziyin çıxarılması barədə vəsatətə baxılıb.
-
Milli Məclisin üzvü Zahid Oruc Azərbaycanı ABŞ Konqresinin sanksiyalarından qorumaqdan ötrü "çıxış yolu"nu tapıb.
-
Narkotik maddə alveri ittihamı ilə həbs olunan ictimai fəal, birinci qrup əlil Famil Xəlilov mayın 6-da vəziyyətinin pisləşməsilə əlaqədar 1 saylı Bakı İstintaq Təcridxanasının tibb-sanitariya hissəsinə yerləşdirilib. Bu barədə Turan-a vəkil Bəhruz Bayramov bildirib.
Rəy yaz