Jurnalistlərin videokamerası qaytarılmayıb (yenilənib)

Şənbə günü Sədərək gömrük məntəqəsində fiziki təzyiqə məruz qalmış curnalistlər İlqar Nəsibov və Elman Abbasov axşama doğru buraxılsalar da, Abbasovun videokamerası qaytarılmayıb. Bu kamera Abbasova Sülh və müharibə institutu tərəfindən istifadəyə verilmişdir.

Curnalistlərlə birgə biznesmen Məhəmməd Qurbanovun işçisi Toğrul Abbasov da buraxılıb. Amma Qurbanov özü və onun digər işçisi və yeznəsi Nadir Məmmədov hələ də Sədərək məntəqəsində saxlanılırlar. Məmmədov bərk döüylüb. Onun dişləri sındırılıb, qabığrğaları zədələnib. Buna baxmayaraq gömrükçülər Məmmədovu onların üzərinə bıçaq çəkməkdə gönahlandırmaq istəyirlər. Amma curnalistlərin sözlərinə görə, onda heç bir bıçaq olmayıb. 

***

Naxçıvanın Sədərək gömrük məntəqəsində təxminən 30 nəfərdən ibarət bir qrup şəxsin mühasirəsində qalan Reportyorların Azadlıq və Təhlükəsizlik İnstitutunun, həmçinin Naxçıvanın QHT İnkişafı və Demokratiya Regional Resurs Mərkəzinin əməkdaşı İlqar Nəsibov və contact.az onlayn nəşrin reportyoru Elman Abbasov maşınla mühasirədən çıxa biliblər. 

Onlar gömrük məntəqəsində hüquqlarının pozulması ilə bağlı kömək üçün jurnalistlərə müraciət edən yerli biznesmen Mühəmməd Qurabanovla birlikdə fiziki təzyiqlərə məruz qalıblar. Hücumçuların əlindən xilas olmağa çalışan hər üç şəxs avtomobillə onlardan uzaqlaşmağa çalışıblar, yalnız 15.00-dan sonra buna nail olular.    

Nəsibov və Abbasov şənbə günü Sədərək gömrük məntəqəsinə gələrərk iş adamaının Türkiyədən gətirilən mallarının gömrükçülər tərəfindən yoxlanılması prosedurunu lentə almağa çalışıblar. Amma dərhal da mülki geyimli şəxslərin hücumuna məruz qalıblar. “Onlar ya gömrük işçiləri, ya da onların yaxın adamlarıdır”- deyə Nəsibov Turan-a bildirib.

 E.Abbasov jurnalistlərin gömrük əməkdaşlarına zor tətbiq etməkdə ittiham oluna biləcəklərini söyləyib. “Biz təqibdən yaxamızı qurtarmaq üçün maşına minəndə gömrük rəisi Məhəmməd Seyidov özünü maşına soxdu. O, videokameradan yapışdı. Maşın hərəkət eədndə onun bir ayağı yerdə idi və qışqırmağa başladı. Mən onu özümə tərəf çəkərək ayağını yerdən üzdüm. 20 metr getdikdən sonra Qurbanov maşını saxladı və gömrük rəisi kamera ilə maşını tərk etdi. İndi bizi hədələyir ki, onu oğurlamaq istəmişik. Qurbanovun iki qohumui üçün də həbs təhlükəsi mövcuddur”-deyə E.Abbasov bildirib. 

M.Qurbanov gömrükçülərə rüşvət verməkdən qəti imtina edir. Bun agğrə onu 2009-cu ildə 28 gün psixi xəstəxanada saxlayıblar. M.Qurbanov ancaq yerli və beynəlxalq ictimaiyyətin etirazlarından sonra azad edildi.-0- 

Naxçıvanda jurnalistlərə hücum ediblər

Naxçıvanda Sədərək gömrüyündə təxminən 30 nəfərdən ibarət bir qrup şəxs Reportyorların Azadlıq və Təhlükəsizlik İnstitutunun, həmçinin Naxçıvanın QHT İnkişafı və Demokratiya Regional Resurs Mərkəzinin əməkdaşı İlqar Nəsibova və contact.az onlayn nəşrin reportyoru Elman Abbasova hücum ediblər.

Onlar yerli gömrük məntəqəsində hüquqlarının pozulması ilə bağlı kömək üçün jurnalistlərə müraciət edən yerli biznesmenlə birlikdə fiziki təzyiqə məruz qalıblar. Hücumçuların əlindən xilas olmağa çalışan hər üçn şəxs avtomobillə onlardan uzaqlaşmağa çalışıblar, lakin 4 avtomobillə mühasirəyə alınıblar və hazırda (15.00) aqressiv əhval-ruhiyyəli insanların əhatəsindədirlər.

Nəsibov və Abbasov şənbə günü Sədərək gömrük məntəqəsinə gəliblər və biznesmenin Türkiyədən gətirilən mallarının gömrükçülər tərəfindən yoxlanılması prosedurunu lentə almağa çalışıblar, amma dərhal mülki geyimli şəxslərin hücumuna məruz qalıblar. “Onlar ya gömrük işçiləri, ya da onların yaxın adamlarıdır”, deyə Nəsibov Turan-a bildirib.

Turan İA direktoru Mehman Əliyev AR Prezident Administrasiyasını hadisə haqqında məlumatlandırmışdır. AR DİN-in “102” xidməti informasiyanı gəbul etməkdən imtina etmişdir. Naxçıvan MR DİN-in qaynar telefonu “136102” zənlərə cavab vermir. ABŞ səfirliyi vəziyəti araşdırır.-0-