![Kanal-11-in rəhbərinin işi üzrə prosesdə](https://turan.az/resized/news/2024/c1qnenhIRrbIUbgiPmDcwC3lfYrqZkVn8MCs0YGo-750-500-resize.webp)
Kanal-11-in rəhbərinin işi üzrə prosesdə
Kanal-11-in rəhbərinin işi üzrə prosesdə
Sentyabrın 11-də Bakı Ağır Cinayətlər Məhkəməsində Kanal-11-in rəhbəri Teymur Kərimovun işi üzrə prosesdə zərərçəkmiş Leyla Almaszadənin ifadəsi dinlənilib.
O bildirib ki, özəl uşaq bağçasının rəhbəridir.
Onun sözlərinə görə, müəssisədə uşaq xəstələnib və onun anası - Vəfa adlı qadın xəstəliyə tərbiyəçilərin yaxşı baxmamasının səbəb olduğunu hesab edərək, təzminat tələb edib.
Uşaq bağçasının müdirəsi təzminat ödəməkdən imtina edib, uşağın adi qripə yoluxduğunu və personalın bunda təqsiri olmadığını deyib.
Ertəsi gün valideyn Kərimovla birlikdə gəlib və sonuncu, Almaszadənin etirazlarına baxmayaraq, çəkiliş aparmağa başlayıb.
Reportaj yayıldıqdan sonra valideyn yenidən təzminat tələb edib. Almaszadə görüntülərin silinməsi şərti ilə, 300 manat verməyə razılaşıb.
Lakin, onun sözlərinə görə, görüntü yalnız facebook-dan silinib, YouTube-da Kərimovun kanalında isə reportaj qalırdı və o, bu reportajı silməkdən imtina edib.
Bu zaman Almaszadə Kərimovla tanış olmadığını və ona pul vermədiyini, iddialarının uşağın valideyni ilə bağlı olduğunu vurğulayıb.
Növbəti iclas sentyabrın 27-nə təyin edilib.
* Xatırladaq ki, Kərimov 2023-cü ilin dekabrında Azərbaycan CM-in 182.2.2 (hədə-qorxu ilə tələb etmə, təkrar törədildikdə), 182.2.4 (xeyli miqdarda əmlak əldə etmək məqsədilə törədildikdə) və 182.2.1 (qabaqcadan əlbir olan bir qrup şəxs tərəfindən törədildikdə) maddələri ilə ittiham edilərək həbs olunub.
-
- Siyasət
- 11 Sentyabr 2024 16:36
Siyasət
-
Sentyabrın 11-də Mərkəzi Seçki Komissiyasının Nəsimi-Yasamal 22-ci seçki dairəsinin üç seçki məntəqəsində aşkar edilmiş pozuntularla əlaqədar olaraq növbədənkənar parlament seçkilərinin nəticələrini ləğv edib. Lakin bu qərar ümumilikdə 36 seçki məntəqəsi olan dairə üzrə seçkilərin ümumi nəticəsinə təsir etməyib.
-
Bu gün Bakı Apellyasiya Məhkəməsi tədqiqatçı Bəhruz Səmədovun mənzilində qanunsuz axtarış aparılması ilə bağlı şikayətinə baxıb və Səbail Rayon Məhkəməsinin 5 sentyabr tarixli qərarını qüvvədə saxlayıb. Bu barədə Turan-a vəkil Zibeydə Sadıqova bildirib.
-
"Bu gün səfir Mark Libby başda olmaqla, ABŞ səfirliyinin əməkdaşları Nyu-Yorkda 11 sentyabr hücumlarında həlak olmuş 2977 günahsız insanın xatirəsini yad etmək üçün toplaşıblar.
-
"Biz, aşağıda imzaları olan vətəndaş cəmiyyəti təşkilatları, hərəkatlar, qruplar və ayrı-ayrı şəxslər, BMT-nin 11-22 noyabr 2024-cü il tarixlərində Bakıda keçiriləcək İqlim Konfransı (COP29) ərəfəsində Azərbaycanda insan hüquqları ilə bağlı ciddi problemlərin həll edilməsi zərurətini vurğulayırıq", bu barədə 30 beynəlxalq hüquq müdafiə təşkilatının birgə bəyanatında deyilir.
Rəy yaz