“Kanal 11” təsisçisinin işi üzrə məhkəmə istintaqı mayın 29-na təyin edilib
Mayın 15-də Bakı Ağır Cinayətlər Məhkəməsində “Kanal 11” İnternet TV-nin rəhbəri Teymur Kərimovun işi üzrə hazırlıq iclası başa çatıb.
Mahiyyəti ürə dinləmələr mayın 29-na təyin edilib. Bu barədə Turan-a vəkil Nemət Kərimli bildirib.
Onun sözlərinə görə, məhkəmə Kərimlinin ev dustaqlığına buarxılması ilə bağlı müdafiə tərəfinin ərizəsini təmin etməyib. Məhkəmə iclası zamanı Kərimov bildirib ki, ona qarşı irəli sürülən hədə-qorxu yoluyla tələb etmək ittihamını qəbul etmir. O, jurnalist fəaliyyətilə əlaqədar sifarişlə həbs olunduğunu deyib.
Xatırladaq ki, Kərimov 2023-cü ilin dekabrında Azərbaycan Cinayət Məcəlləsinin 182.2.2 (dəfələrlə təhdid yolula tələb etmə), 182.2.4 (xeyli miqdarda əmlaka sahib olmaq məqsədilə tələb etmə) və 182.2.1 (qabaqcadan əlbir olan bir qrup şəxs tərəfindən tələb etmə) maddələrilə həbs edilib.
Hüquq müdafiəçiləri onu siyasi məhbus kimi tanıyıblar.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz