Avropa İttifaqının xarici əlaqələr üzrə ali komissarı Ketrin Eştonun mətbuat katibi Ştefan Füle bəyanat yayaraq erməni hərbçi Qurgen Markaryanı balta ilə qətlə yetirən zabit Ramil Səfərovun əfvi ilə bağlı narahatlığını bildirib.
Bəyanatda qeyd olunur ki, R.Səfərov 1983-cü il 21 mart tarixli Strasburq konvensiyasına əsasən avqustun 31-də ekstradisiya olunub. Konvensiya məhbusun cəzasının qalanını öz vətənində çəkməsi üçün ekstradisiyasını nəzərdə tutur.
Qarabağ münaqişəsi tərəfləri arasında barışığa yönələn səylər və regional sabitlik baxımından Ş.Füle Ermənistanı və Azərbaycanı bəyanatlarda təmkinlik nümayiş etdirməyə, gələcək eskalasiyaya yol verməməyə çağırıb.-02D-
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
-
Fevralın 5-də Bakı Ağır Cinayətlər Məhkəməsində keçmiş diplomat Emin İbrahimovun işi üzrə hazırlıq iclası olub. İclasa hakim Vuqar İbrahimov sədrlik edib. Mahiyyəti üzrə dinləmələr fevralın 12-nə təyin edilib.
-
AZAL-ın təyyarəsinin qəzaya uğraması ilə bağlı Qazaxıstanın Nəqliyyat Nazirliyinin dərc etdiyi hesabat "ilkin xarakter daşıyır və baş verənlərin səbəbləri barədə nəticə yoxdur". Bu barədə “Rosaviasiya” - Rusiya Federal Hava Nəqliyyatı Agentliyinin məlumatında deyilir.
Rəy yaz