Kiyevdə konfransda Azərbaycanda media azadlığı ilə bağlı problemlər səslənib
Bakı/13.09.17/Turan: Kiyevdə postsovet ölkələrində media məsələlərinə həsr olunmuş beynəlxalq konfransda Azərbaycanda mətbuat azadlığı məsələləri qaldırılıb.
"Demokratiya və Propaqanda- müstəqil media unversal dəyərləri müdafiə edə bilərmi?" mövzusunda konfrans Aİ-nin "Şərq Tərəfdaşlığı" ölkələrində mediaya dəstək proqramı çərçivəsində təşkil edilib.
Konfransın işində digər "Şərq Tərəfdaşlığı" ölkələrinin nümayəndə heyətləri ilə yanaşı Azərbaycandan media nümayəndələri və ekspertlər də iştirak ediblər.
Forum iştirakçıları qarşısında Aİ-nin genişlənmə və qonşuluq üzrə komissarı Yohannes Han videomüraciətlə çıxış edib. O, vətəndaş cəmiyyətinin inkişafında, ictimai rəyin formalaşmasında azad mətbuatın mühüm rolunu qeyd edib.
Komissar bildirib ki, mətbuatın iqtisadi əsaslarının təmin edilməsi bu konfransın əsas mövzularından biridir.
Konfransda ATƏT-in mətbuat azadlığı üzrə keçmiş xüsusi nümayəndəsi Dunya Miyatoviç də məruzə ilə çıxış edib. O, Azərbaycanda azad mətbuat problemlərinə toxunub, jurnalistlərin və blogerlərin ifadələrinə görə əsassız cinayət təqiblərinə məruz qaldıqlarını qeyd edib.
"Niyə Xədicə İsmayıl ölkədən çıxa bilmir? Niyə Mehman Əliyev həbs edilmişdi? Niyə Mehman Hüseynov hələ də həbsdədir? Niyə Mehman Hüseynovun qardaşı Emin Hüseynov hələ də ölkəyə qayıda bilmir?", deyə Miyatoviç sual edib.
Bununla birlikdə, o, Mehman Əliyevin həbsdən azad edilməsini, bloger Aleksandr Lapşinin Azərbaycan prezidenti tərəfindən əvf edilməsini, bunlardan əvvəl Xədicə İsmayılın həbsdən azad edilməsini müsbət faktlar adlandırıb.
Müzakirələrdən sonra konfrans plenar iclasla davam edəcək. -16C-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz