Dekabrın 8-də Sədərək gömrük məntəqəsində hücuma məruz qalaraq döyülən iş adamı Məhəmməd Qurbanov və kürəkəni Nadir Məmmədovun ailəsi onların taleyindən narahatdırlar.
4 gündür ki, iş adamlarının harada və hansı vəziyyətdə saxlanmaları haqda ailə üzvlərinə və jurnalistlərə heç bir açıqlama verilmir. Dekabrın 8-də Naxçıvan DİN-in bir qrup əməkdaşı N.Məmmədovu yaralı halda evindən məcburi Sədərək rayon polis şöbəsinə aparıblar. Sahibkarın xanımı Fəridə Qurbanova “Turan”ın müxbirinə Sədərək polisindən bu şəxslərin orada olmadığını desələr də, dekabrın 9-da N.Məmmədovu və həyat yoldaşının avtomobilini şöbənin həyətində gördüyünü deyib. Onun fikrincə, hər iki şəxs döyüldüyü üçün polis onları ailələrinə göstərə bilmir. Saxlanılan şəxslərin ailə üzvləri Naxçıvan DİN-ə müraciət etsələr də cavab olmayıb, heç bir məlumat verilməyib.
Xatırladaq ki, Naxçıvanda yaşayan kiçik sahibkar Məhəmməd Qurbanov Türkiyədən satış məqsədilə gətirdiyi ərzağın qanunsuz olaraq gömrükdə saxlanılması, artıq rüsum tələb edilməsi haqda Naxçıvanda fəaliyyət göstərən jurnalistlərə şikayət edib. Dekabrın 8-də jurnalistlər məntəqəyə gəlsələr də gömrük işçiləri onlara peşə fəaliyyətlərini yerinə yetirməyə icazə verməyib. Hadisə yerinə toplaşan 40-a yaxın mülki geyimli sahibkarı, eləcə də işçiləri N.Məmmədovu, Toğrul Abbasovu döyüblər. Hadisəni çəkməyə gedən jurnalistlər də hücuma məruz qalıb, onların olduğu avtomobili əzərək, media nümayəndələrini çıxarıblar, mobil telefonları, video kameraları zorla əllərindən alıblar.
Bu məsələ ilə bağlı Naxçıvan Gömrük İdarəsi açıqlama yayıb. Açıqlamada son günlər bəzi kütləvi informasiya vasitələrində bir qrup jurnalist və iş adamı M.Qurbanovun Sədərək Gömrük İdarəsində hücuma məruz qalması ilə bağlı xəbərlər əsassız, yalan və böhtan adlandırırlır.
Komitə yaydığı açıqlamada M.Qurbanovu bundan öncə də dəfələrlə gömrük qaydalarını pozmaqda ittiham edir.
Naxçıvan sakini N.Məmmədovun 2012-ci il dekabrın 8-də Türkiyədən gətirdiyi 3 tondan artıq qida məhsullarının sənədləri olamdığı üçün malların buraxılışına icazə verilmədiyi deyilir. Bu səbəbdən qeyd olunan malların müvəqqəti saxlanca verildiyi bildirlir. Hadisə yerinə gələn İlqar Nəsibov və Elman Məmmədov açıqlamada “özlərini jurnalist və hüquq müdafiəçisi” adlandırıan şəxslər kimi təqdim edilir. İş adamı M.Qurbanov və işçisi N.Məmmədov gömrük əməkdaşlarına bıçaq çəkməkdə, insident nəticəsində fəhlə Siyafər Mahmudova xəsarət yetirməkdə ittiham edilir. -05D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz