Parlament tərəfindən unudulmuş Heydər Əliyev

Azərbaycan parlamenti 12 dekabr 2003-cü ildə vəfat etmiş eks prezident Heydər Əliyevin anılmasına etinasız qalıb.

Belə ki, bugünki iclasda deputatların heç biri ümummilli liderləri elan etdikləri insan haqqında bir kəlimə belə danışmayıb.

Ötən əsrdə və bu əsrin əvvəllərində bir çox mühüm geosiyasi dəyişikliklərin şahidi və fəal iştirakçısı olan Heydər Əliyev iki dəfə Azərbaycana rəhbərlik edib: SSRİ zamanı 1969-cu ildən 1982-ci ilin noyabrına qədər və müstəqillik illərində 1993-cü il iyunun 15-dən 2003-cü il dekabrın 12-dək.

Ensiklopediyalarda onun dövlətçiliyin və nüfuzun (həm ölkənin, həm də şəxsi nüfuzunun) möhkəmləndirilməsi naminə gördüyü bütün konkret işlər əksini tapıb. Hər şeydən əlavə, hazırda fəaliyyəti göstərən siyasi idarəetmə sistemini o quraraq, bütün hakimiyyət qollarını Prezident Administrasiyasına tabe edib (hazırda oğlu İlham Əliyev də bu sistemdən istifadə edir).

Böyük Əliyevin dövründə parlament proporsional səsvermə sistemindən məhrum edilib və demək olar ki, bütün indiki deputatlar, o cümlədən YAP üzvləri, bu sistemin çərçivələrinə uyğun təyin ediliblər. -17D-