Naxçıvan siyasiləri ağır duruma görə rəsmi Bakını ittiham edirlər

Xalq Cəbhəsi, Müsavat və Ümid partiyalarının Naxçıvan təşkilatları bölgədə media mənsubları və iş adamlarının təzyiqlərə məruz qalması ilə bağlı bəyanat yayıblar. 

Bəyantda dekabrın 8-də Sədərək gömrük məntəqəsində Naxçıvanda fəliyyət göstərən jurnalistlərin və iş adamı Məhəmməd Qurbanovun və onun iki işçisinin təzyiqlərə məruz qalması pislənilir. Habelə, dekabrın 10-da İctimai Palatanın Bakıda keçirdiyi aksiyada vətəndaşlara qarşı zorakılığa mənfi münasibət ifadə edilir. 

Daha sonra Naxçıvanda fəaliyyət göstərən kiçik sahibkar M.Qurbanovun Türkiyədən satış məqsədilə gətirdiyi ərzaq mallarının qanunsuz olaraq gömrükdə saxlanılması, artıq rüsum tələb edilməsi qeyd olunur. Hadisə yerinə gedən jurnlasitlər İlqar Nəsibov və Elman Abbasovun 40-a yaxın şəxsin zorakılığına məruz qaldığı qeyd edilir. Jurnlaistlərə məxsus texniki avadanlıqların zorla əllərindən alındığı vurğulanır. Dekabrın 9-da jurnalistlərin Naxçıvan MTN və DİN tərəfindən izlənməyə məruz qalmalarına və izlənmə nəticəsində jurnalist Həıkimeldostu Mehdiyevin şəxsi avtomobilinin cərimə meydançasına aparılmasına diqqət çəkilir.

Müsadirə olunmuş avadanlıqları geri almaq üçün Naxçıvan gömrük komitəsinə gedən jurnalistlərin burada yenidən təzyiqlərə məruz qaldığı deyilir. 

10 dekabr Beynəlxalq İnsan Haqları Günü İctimai Palatanın Bakıda keçirdiyi aksiyaya polisi müdaxiləsi pislənilir. Baş verənlər iqtidarın ifadə, sərbəst toblaşmaq azadlığına, insan hüquqlarına açıq hörmətsizliyinin nəticəsi kimi dəyərləndirilir. 

Sənəddə Naxçıvanda mövcud durumun yaranması rəsmi Bakının baş verənlərə münasibətinin, məqsədyönlü siyasətinin nəticəsi kimi qiymətləndirilir. Ölkə ictimaiyyətinə Naxçıvandakı bu ağır duruma etiraz səsini ucaltmaq çağırışı edilir. -05D-