![Komitə üzvləri ədalətli qərara ümid etmirlər](https://turan.az/resized/750/500/resize/media/2013/main/041500034734.jpg)
Komitə üzvləri ədalətli qərara ümid etmirlər
“Tolişi sədo” qəzetinin həbsdə olan redaktoru Hilal Məmmədovun Hüquqlarını Müdaifə Komitəsi bazar ertəsi Helsinki Milli Komitəsinin ofisində dinləmələr keçirib.
Komitə sədri Rafiq Cəlilov son məhkəmə prosesinin təxirə salınmasına toxunub. H.Məmmədovun son məhkəmə prosesi aprelin 10-da keçirilib. “Tolışi sədo” qəzetində H.Məmmədovun dərc edilən iki yazısına rəy verilməsi üçün vəkillər prosesə ekspertlər dəvət olunması vəsatəti verib. Bununla da proses aprelin 17-nə kimi təxirə salınıb.
Komitə üzvü Mehdibəy Səfərov hakim Azad Orucovu prosesi qanunlara uyğun yox, öz istədiyi kimi aparmaqda ittiham edib. Belə ki, qanunvericilikdə vətəndaşı ittiham üçün vəfat etmiş şəxsə nadir hallarda isnad olunması nəzərdə tutulur. H.Məmmədovun işində əsas şahid Elman Quliyevin bütün ittihamı “Tplişi sədo” qəzetinin mərhum redaktoru Novruzəli Məmmədova isnadən qurması absurd sayılıb.
Bundan absurdu isə hakimin bu ifadəni həqiqət kimi qəbul etməsi hesab olunub. E.Quliyevin H.Məmmədov barəsində yalan-böhtan deməsinin verdiyi ifadə də əksini tapmasına diqqət çəkilib. Müdafiə komitəsi vəkillərə bu şər-böhtana görə E.Quliyevə qarşı əks-iddia qaldırmaq tövsiyəsi verib. Məhkəmənin aparılması tərzinə, həbsin sifarişli olmasına görə komitə üzvləri məhkəmədən ədalətli qərar gözləmədiklərini bildiriblər.
Məhkəmə prosesi qapalı keçirildiyi üçün məhkəmə daxilində yalnız vəkillərin nə baş verdiyini bildikləri vurğulanıb. Müdafiə komitəsi üzvlərinin vəkillərlə görüşünə ciddi ehtiyac yarandığı qeyd edilib. Məsələnin hüquqi tərəfilə ictimai tərəfinin uzlaşdırılması, beyənxalq birliklərə hansı inofrmasiyaların verilməsi üçün belə görüşün təxirəsalınmaz olması nəzərə çatdırılıb.
Bu müzakirələrdən sonra qarşıdakı həftənin sonunda vəkillərlə komitə üzvlərinin görüşünün keçirilməsi qərara alınıb. -05C-
-
- Söz istəyirəm
- 15 Aprel 2013 19:26
-
- Cəmiyyət
- 15 Aprel 2013 19:40
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz