Açiq mənbələrdən foto.
Kommunizmə qarşı mübarizə veteranları Qərbi Rusiyanın təcavüzünü durdurmağa çağırıblar
Bakı/01.03.22/Turan: Rusiyaya qarşı tətbiq edilən beynəlxalq sanksiyalar Ukraynanın müdafiəsi üçün effektiv deyil.
ABŞ və Böyük Britaniya Ukraynanın nüvə silahından imtinasına dair sazişin qarantları kimi Ukraynaya hərbi yardım göstərməlidirlər.
Bu barədə “Sovet və Putin Rusiyasının əsarətində olan xalqların müstəqilliyi naminə kommunizmə qarşı mübarizə veteranları” adından yayılan bəyanatda deyilir.
Sənədi 30-dan çox adam - 1980-ci və 1990-cı illərin sonlarında keçmiş SSRİ respublikalarında və sosialist düşərgəsi ölkələrində demokratik hərəkatların iştirakçıları imzalayıblar. Sənədi imzalayanların arasında 1992-1993-cü illərdə Azərbaycan parlamentinin spikeri, Müsavat Partiyasının keçmiş rəhbəri İsa Qəmbər də var.
“Rusiyanın Ukrayna ilə müharibəsi Kremlin azad dünya ilə müharibəsinin başlanğıcıdır. Putin rəsmən bəyan edir ki, Rusiya imperiyasını bərpa etmək niyyətindədir. Rusiya Dövlət Duması Rusiya qoşunlarının Rusiya Federasiyasının hüdudlarından kənarda istifadəsinə razılıq verib. Bundan öncə, 2008-ci ildə saziş yalnız Gürcüstana aid idi. İndi bu, istənilən dövlətin fəthinə aiddir. Arzu edən dövlətləri tez bir zamanda NATO-ya qəbul etmək lazımdır”, - bəyanatda deyilir.
Müəlliflər hesab edirlər ki, “Qərbin zəifliyini hiss edən Putin fəth etdiyilə kifayətlənmir və şantaj üsullarından istifadə edir, çünki onun məqsədi Atlantikadan Sakit okeana qədər Rusiyadır”. “Azad dünyanın tətbiq etdiyi sanksiyalar səmərəsiz olduğunu sübut etdi. Heç nəyin qarşısında durmadan SWIFT blokadası tətbiq etmək, Rusiyanı və onun vətəndaşlarını beynəlxalq iqtisadi, siyasi, mədəni, ictimai və idman həyatından kənarlaşdırmaq lazımdır.
Putin və Lukaşenkonun cinayətlərini sənədləşdirmək bizim borcumuzdur ki, yaxın gələcəkdə bu cinayətkarlar Beynəlxalq Tribunalın qarşısına çıxarılsın. Ukraynanın NATO-ya qəbuluna və savaşan Ukraynaya yardıma mane olan dövlətlərin liderləri də öz xalqları və tarix qarşısında məsuliyyət daşıyacaqlar”, - sənəddə deyilir.
“Böyük Britaniya və ABŞ Ukraynaya hərbi yardım göstərməyə borcludurlar, çünki o, suverenlik və ərazi bütövlüyünə zəmanət müqabilində özünün atom silahını verib. Əgər azad dünya Ukraynaya yardım göstərməsə, bununla o, Rusiyanın potensial təcavüzündən müdafiəni təmin etmək üçün digər dövlətlərin atom silahı əldə etməsinə siqnal verəcək", - bəyanatın müəllifləri hesab edirlər.
Onlar güman edirlər ki, əgər Ukrayna “rus ordasını durdura bilməsə”, bütün Avropada insanların azadlığı təhlükə altına düşəcək.
"Hələ ki seçim var, amma fəaliyyətə başlamaq üçün çox az vaxtımız var" , -bəyanatda vurğulanır. -06D-
-
- Siyasət
- 1 Mart 2022 18:59
Siyasət
-
Mayın 15-də istintaq təcridxanasında quru aclıq aksiyası elan edən Azərbaycan Xalq Cəbhəsi Partiyasının (AXCP) fəalı Elxan Əliyevin olan ailə üzvləri onuntaleyindən narahatdər. Mayın 16-dan bəri o ailsi əlaqə saxlamayıb və onun haqqında heç bir məlumat yoxdur.
-
İranın Energetika Nazirliyinin məlumatına görə, bazar günü İran və Azərbaycan prezidentlərinin iştirakı ilə "Qız Qalası" və "Xudafərin" bəndlərinin açılış mərasimi olacaq.
-
Azərbaycan prezidenti İlham Əliyev mayın 18-də Cəbrayıl rayonuna səfər edib.
-
Cari ilin may ayı ərzində azad edilmiş ərazilərdə Azərbaycan Ordusunun Mühəndis Qoşunlarının hissə və bölmələrinin fəaliyyəti nəticəsində 254 hektardan çox ərazi minalardan tam təmizlənib, bu barədə mayın 18-də Azərbaycan Müdafiə Nazirliyinin mətbuat xidməti məlumat yayıb.
Taksi sayı azaldılır, bəs köhnə taksiçilər nə ilə dolanacaqlar? – Rauf Ağamirzəyev Çətin sualda
Audio xəbər
Xəbər lenti
-
- Siyasət,
- 13:57
- 265
Rəy yaz