Birləşmiş Millətlər Təşkilatının İnsan Hüquqları Şurasının sessiyasında Lavrova demarş

Bakı/01.03.22/Turan: Rusiyanın xarici işlər naziri Sergey Lavrovun çıxışı zamanı onlarla ölkənin diplomatları Rusiyanın təcavüzünə etiraz olaraq Cenevrədə Birləşmiş Millətlər Təşkilatı İnsan Hüquqları Şurasının sessiya  zalını tərk ediblər, unian.net bildirib.

Videobağlantı ilə qoşulan Lavrov uzun bəyanatla çıxış edib,  Ukraynaya hücumu insan hüquqlarının Ukrayna tərəfindən pozulması ilə əsaslandırıb, qəzet yazır.

Öncə rusiyalı nazir görüşdə şəxsən iştirak etmək istəyib. Sonra Rusiya təyyarələri üçün Avropa hava məkanının bağlanmasını əsas gətirərək səfəri ləğv ediblər.

Lavrov öz çıxışı zamanı Kiyevin “Qərbi razı salmaq üçün” Ukraynanı “antirusiya”ya çevirmək niyyətini açıqlayıb.

Diplomat Kremlin altıncı gündür ki, Ukraynaya qarşı müharibəyə və dinc əhalinin vəhşicəsinə öldürülməsinə haqq qazandıran digər təbliğat klişelərini də dilə gətirib.

Lavrovun çıxışı zamanı diplomatların çoxu zalı tərk etməyə başlayıb.—06B--