![Konqresmen Makqovern: «Təzyiqlər səbəbindən Xədicəni buraxdılar, ancaq başqalarını həbs etdilər»](https://turan.az/resized/750/500/resize/media/2016/main/071500162041.jpg)
Konqresmen Makqovern: «Təzyiqlər səbəbindən Xədicəni buraxdılar, ancaq başqalarını həbs etdilər»
Cümə axşamı Amerika qanunvericiləri və hüquq-müdafiə qrupları avtoritar hökumətləri özgəfikirliliyə qarşı dözümsüzlükdən imtina etməyə, vətəndaş və mətbuata təzyiqlərə son qoymağa çağırıblar.
“Heç bir ölkə söz azadlığı hüququnu pozmaqla davamlı sabitliyə nail ola bilməz”, - konqresmen, insan hüquqları üzrə komissiyanın sədri Cim Makqovern iyulun 14-də ABŞ Konqresində təşkil olunan dinləmələri açarkən deyib.
Konqresmen belə ölkələr sırasında Azərbaycanın da adını çəkib. Bu ölkə hakimiyyəti “beynəlxalq təzyiqlər altında jurnalist Xədicə İsmayılovanı azadlığa buraxdı. Lakin eyi zamanda digər fəallar həbsə alınıb, həbsdə başqa jurnalistlər də var”, - o bildirib.
Dinləmələr zamanı əsas diqqət hökumət senzurasına yönəlib.
Beynəlxalq dini azadlıq komissiyasının sədri Tomas Riz deyib ki, hakimiyyət vicdan azadlığı ilə mübarizədə dini ekstremizmlə mübarizədən istfadə edir.
Ətraf mühitin mühafizəsi komissiyasının həmsədri Co Pitts bildirib ki, Freedom House təşkilatının məlumatına görə, dünyada mətbuat azadlığı son illər ən aşağı həddə enib.
Bu, KİV-i susdurmağa və ya onu öz maraqlarına tabe etdirməyə çalışan “siyasi, kriminal və terrorçu qüvvələr”in təzyiqilə baş verib.
Freedom House nümayəndəsi Vanessa Taker deyib ki, mütəşəkkil cinayətkarlıq və korrupsiya mövzusunda yazılar və jurnalist araşdırmaları jurnalistlərin həyat və sağlamlığı üçün əsas təhlükə mənbəyidir. Qanunun aliliyi olmayan ölkələrdə risk xüsusilə yüksəkdir.
Korrupsiya haqqında yazılar jurnalistlərin döyülməsinə, həbsinə, ölümünə səbəb olur.
Tədbir iştirakçıları dünyada söz azadlığının effektiv müdafiəsi məsələsində ABŞ hakimiyyəti üçün tövsiyələr hazırlayıb.
“Biz ABŞ hökumətində bütün səviyyələrdə siyasətçiləri açıq və fərdi qaydada ifadə azadlığı hüququnun müdafiəsinə, söz azadlığını məhdudlaşdıran qanunlarda islahatlara, ifadə azadlığına görə həbs edilən şəxslərin buraxılmasına səsləməyə çağırırıq”, - PEN klubun nümayəndəsi Karen Karlekar bildirib.-25В-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz