Bu gün KXCP İdarə Heyətinin növbəti toplantısı keçirilib. Toplantıda qərarların icra vəziyyəti, ictimai-siyasi vəziyyət və qarşıda duran vəzifələr müzakirə olunub.
Partiyadan Turan-a daxil olan məlumata görə, KXCP İdarə Heyəti 18 yanvar 2013-cü il saat 12 00-da “Korrupsiyalaşmış - kriminallaşmış hakimiyyət Azərbaycan dövlətini hara aparır?” mövzusunda ictimai dinləmələr keçirməyi qərara alıb.
Bundan əlavə, KXCP İdarə Heyəti yanvarın 13-də Lənkəranda Müsavat Partiyasının başqanı İsa Qəmbərə qarşı törədilmiş təxribatı pisləyir, Azərbaycanda stabilliyin pozulmasında hakimiyyət orqanlarının maraqlı olmasından narahatlığını bildirir. KXCP baş vermiş təxribatın təşkilatçılarının tapılmasını və cəzalandırılmasını hakimiyyətdən tələb edir.
Partiya həmçinin hakimiyyətdən vətəndaşlara anormal münasibətə son qoymağı, əsgər ölümlərində təqsirkar olanların cinayət məsuliyyətinə cəlb olunmasını tələb edir. -16D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz