![Latviya Azərbaycana öz nəqliyyat infrastrukturunu təklif edir](https://turan.az/resized/media/2013/main/042400035872-750-500-resize.webp)
Latviya Azərbaycana öz nəqliyyat infrastrukturunu təklif edir
Azərbaycan və Latviya prezidentləri – İlham Əliyev və Andris Berzinş bu gün Bakıda təkbətək və nümayəndə heyətlərinin iştirakı ilə geniş tərkibli görüş keçiriblər.
Azərbaycan prezidentinin mətbuat xidməti bu barədə qısa məlumatlar yayıb. Məlumatlara əsasən, dövlət başçıları ikitərəfli münasibətlərdə problem olmadığını, əməkdaşlığın fəal şəkildə inkişaf etdiyini və beynəlxalq təşkilatlarda qarşılıqlı fəaliyyəti qeyd ediblər.
Qeyd edək ki, Bakıya səfəri ərəfəsində Bersinş Latviyanın nəqliyyat naziri Anriys Matislə Azərbaycanla mümkün əməkdaşlığı müzakirə edib. Berzinşin saytında yer alan məlumata görə, Latviya tərəfi Azərbaycan mallarının tranziti və saxlanması üçün öz nəqliyyat infrastrukturunu təklif etmək niyyətində idi.
Riqa həmçinin hesab edir ki, Azərbaycandan Baltika və Şimali Avropa ölkələrinə yük daşımaları üçün Ukraynanın Odessa və İliçevsk limanlarını Riqa, Ventspils və Liepaya, habelə Estoniyada Tallin limanı ilə birləşdirən “ZUBR” konteyner qatarından istifadə səmərəlidir.
Latviya Azərbaycana təkcə Baltika və Şimali Avropa ölkələrinə deyil, həm də əksinə konteyner daşımalarını inkişaf etdirməyə hazırdır. Bu məqsədlə latışlar logistika mərkəzləri yaratmağı təklif edir.
Latviya həmçinin yük və sərnişin aviasiyası sahəsində əməkdaşlığı inkişaf etdirməkdə maraqlıdır. Bu zaman Şimali Avropa nəqliyyat qovşağı qismində “Riqa” beynəlxalq aeroportundan istifadənin üstünlüyü qeyd edilir. -06D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz