Basqılara aksiyalarla cavab veriləcək

Azərbaycan Mədəniyyət Nazirliyi, eləcə də bir neçə deputat Turkiyədə fəaliyyətdə olan dərnək və qurumlara təzyiq göstərir. Bu xəbər Turan-a Türkiyədə yaşayan azərbaycanlılar tərəfindən verilib. 

Mənbə bu təklif və təzyiqlərin məqsədinin mərhum dövlət başçısı Heydər Əliyevin bu il mayın 10-da tamam olacaq 90 illik yubiley tədbirlərini ən yüksək səviyyədə təşkil etməklə bağlı olduğunu bildirir. Təklif müəllifləri bu məqsədlə maliyyə ayıracaqlarını da bildiriblər. 

Bu təkliflərə razılıq verməyən qurumlara müxtəlif təzyiqlər edilməkdədir. Belə təzyiqlərə məruz qalan dərnək və qurumlar bu basqılara, həm də Azərbaycanda əsgər ölümlərinə etiraz olaraq mayın 10-da Ankara, İstanbul  və s. şəhərlərdə aksiyalar təşkil edəcəklərini bəyan ediblər. -05D-