Lavrov Azərbaycan, Türkiyə və İranın xarici işlər nazirlərilə nəyi müzakirə edib?

Lavrov Azərbaycan, Türkiyə və İranın xarici işlər nazirlərilə nəyi müzakirə edib?

Bakı/23.12.23/Turan: Dekabrın 22-də Rusiya və Azərbaycanın xarici işlər nazirləri Sergey Lavrov ilə Ceyhun Bayramov arasında telefon danışığı olub. Onlar  "ikitərəfli münasibətlərə dair bəzi aktual məsələləri və Cənubi Qafqaz problemi üzrə qarşılıqlı əlaqələri müzakirə ediblər". Bu barədə Rusiya Xarici İşlər Nazirliyinin məlumatında deyilir.

Azərbaycan Xarici İşlər Nazirliyi nazirlərin söhbətinə dair qısa məlumat yayıb. Bildirilir ki, nazirlər "ikitərəfli əməkdaşlıq məsələlərini, eləcə də regionda mövcud vəziyyəti müzakirə ediblər".

Qeyd edək ki, eyni məsələləri elə həmin gün Bakıda Rusiya xarici işlər nazirinin müavini Aleksandr Qluşko da müzakirə edib.

Dekabrın 22-də Rusiya xarici işlər nazirinin Türkiyə və İranın xarici işlər nazirlərilə telefon danışıqları zamanı da regionda vəziyyət müzakirə mövzusu olub.

Bu danışıqların məzmunu barədə Rusiya Xarici İşlər Nazirliyinin Aleksandr Qluşkonun Bakıya səfərinə dair məlumata görə fikir yürütmək olar.

"Cənubi Qafqazda sabitliyin və təhlükəsizliyin qorunmasında region dövlətlərinin aparıcı rolu və xüsusi məsuliyyəti vurğulanıb".

Bu ifadədən belə nəticəyə gəlmək olar ki, Moskva Bakı və Yerevan arasında sülhün bağlanmasında Qərbin həlledici rolunun qarşısını almaq üçün region ölkələrinin dəstəyini qazanmaq istəyir.

Qeyd edək ki, regionda vəziyyətlə bağlı danışıqlarda Ermənistanın xarici işlər nazirir iştirak etməyib. Məhz Yerevan Ermənistan və Azərbaycan arasında sülh sazişinin əldə olunmasında Qərbin fəal vasitəçiliyinə tərəfdardır. -02B-

Rəy yaz

Siyasət

Zorakılıq cəmiyyətdə nəyin göstəricisidir? – Mehriban Vəzir Çətin sualda



Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti