![Lənkəranda Müsavat fəalının mühakimə edirlər](https://turan.az/resized/./turan-750-500-resize.webp)
Lənkəranda Müsavat fəalının mühakimə edirlər
Dekabrın 4-də Lənkəran rayon məhkəməsində xuliqanlıqda ittiham olunan Müsavat Partiyası rəhbərinin müşaviri Yadigar Sadıqovun işi üzrə məhkəmə istintaqı yekunlaşıb.
O, iyunun 27-də yerli sakin Rəşid Kərimovun şikayəti ilə saxlanılıb. Kərimov iyunun 25-də Sadıqov tərəfindən döyüldüyünü iddia edib.
221.3-cü (silah kimi istifadə olunan alətdən istifadə ilə xuliqanlıq) maddə üzrə cinayət işi açılıb. Fəal 7 ilədək azadlıqdan məhrum edilib.
Vəkil Xalid Bağırovun Turan-a verdiyi məlumata görə, çərşənbə günü müdafiə tərəfin şahidləri dinlənilib. Yerli fəal Şahin Ağayev təsdiq edib ki, Sadıqov Kərimovu döyməyib, baxmayaraq ki, sonuncu müxalifətçiləri təhrik və təhqir edib.
Digər şahid – hadisənin baş verdiyi çayxananın işçisi də Kərimovun döyülməsi haqqında iddialarını təsdiq etməyib. Bundan sonra vəkil cinayət işinin saxtalaşdırıldığını bildirib.
Maraqlıdır ki, ittiham tərəfin yeddi şahidinin hamısı Lənkəran sakinləri deyillər və hadisə zamanı onlar hadisə yerində olmayıblar. Lakin məhkəmə müdafiə tərəfin bu şəxslərin hadisə zamanı olduqları yer haqqında mobil rabitə operatorlarından məlumat istənilməsi haqqında vəsatətini təmin etməyib.
Məhkəmə həmçinin Kərimovun hadisədən sonra baş fırlanması və yuxusuzluğu olması haqqında rəy verən həkimləri çağırmaqdan imtina edib, baxmayaraq ki, o özü prosesdə bidirib ki, bu, Qarabağ müharibəsində aldığı kontuziyanın nəticəsidir.
Prokuror yekun nitq hazırlamaq üçün vaxt istəyib və hakim növbəti iclası dekabrın 12-nə təyin edib.
Yerli və beynəlxalq hüquq müdafiə təşkilatları Sadıqovu siyasi məhbus kimi tanıyıb. Onun həbsinin əsl səbəbi Müsavat lideri İsa Qəmbərin hakimiyyətin təxribatçılar və polis tərəfindən pozduğu Lənkəran səfərini təşkil etməsidir. -06B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz