Litvanın müdafiə naziri Yozas Olekas oktyabrın 8-də Bakıya rəsmi səfərə gələcək. Azərbaycan Müdafiə Nazirliyinin mətbuat xidməti bildirib.
Səfər çərçivəsində o, azərbaycanlı həmkarı Zakir Həsənovla danışıqlar aparacaq, bir sıra hərbi obyektə baş çəkəcək.
Üçgünlük səfər zamanı hərbi sahədə ikitərəfli əməkdaşlıq məsələləri müzakirə olunacaq.
Öz növbəsində Azərbaycan XİN-dəki mənbələr bildiriblər ki, Litva XİN rəhbəri Linas Linkyaviçyus oktyabrın 21-də Bakıya səfər edəcək.
Səfər çərçivəsində qonaq Şəmkirdə olacaq, Azərbaycan-Litva hökumətlərarası komissiyanın dördüncü iclasında iştirak edəcək. Tərəflər ticari-iqtisadi, humanitar və digər sahələrdə əməkdaşlıq məsələlərini müzakirə edəcəklər.
Şəmkir və Şayli şəhərlərinin qardaşlaşması haqqında saziş imzalanacağı gözlənilir.
Həmçinin oktyabrın 15-16-da Litvanın nəqliyyat naziri Rimantas Sinkyaviçyusun Bakıya gəlişi gözlənilir. Səfərdə məqsəd nəqliyyat və kommunikasiya sahəsində əməkdaşlıq məsələlərinin müzakirəsidir.-02D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz