Londonda Böyük Britaniya və Azərbaycan biznes dairələrinin konfransının keçirilməsi planlaşdırılır (YENİLƏNİB)

Böyük Britaniya baş nazirinin ticarət üzrə nümayəndəsi Baronessa Nikolson prezident İlham Əliyevlə görüşündə növbəti yaz Londonda iki ölkənin maliyyə qurumlarının birgə konfransının keçirilməsini təklif edib. Onun fikrincə, dövlət başçısının iştirakı bu tədbirin önəmini artırar.

O, London Fond Birjasının Azərbaycanla tammiqyaslı tərəfdaşlığın qurulmasında maraqlı olduğunu bildirib.

Öz növbəsində İ.Əliyev Azərbaycan iqtisadiyyatının diversifikasiyasının vacibliyini vurğulayıb. Bu, neftin qiyməti ilə bağlı yaranmış vəziyyətdə hökumətin məqsədlərindən biridir.06D--

2016 Noyabr 28 (Bazar ertəsi) 12:22:37

Noyabrın 28-də prezident İlham Əliyev Böyük Britaniyanın baş nazirinin ticarət üzrə nümayəndəsi Baronessa Nikolsonu qəbul edib. Rəsmi məlumatda görüşün məzmunu açıqlanmır, ancaq çox güman ki, söhbət ikitərəfli iqtisadi əlaqələrdən gedib.

Həmçinin dövlət başçısı Amerikanın CISCO şirkətinin baş vitse-prezidenti Maykl Qanseri qəbul edib.

CISCO böyük təşkilatlar və telekommunikasiya müəssisələri üçün şəbəkə avadanlığı hazırlayan və satan transmilli şirkətdir.

Güman etmək olar ki, görüş zamanı CISCO-nun Azərbaycanda konkret layihələrdə iştirakından danışlıb.06D--