![Marneulidən kənd təsərrüfatı məhsullarının daşınması məsələsi həll olunub](https://turan.az/resized/media/2020/main/042300026181-750-500-resize.webp)
Marneulidən kənd təsərrüfatı məhsullarının daşınması məsələsi həll olunub
Bakı/23.04.20/Turan: Aprelin 23-də Gürcüstanın Marneuli rayon sakinlərinin Kvemo-Kartli qubernatoru Şota Rexviaşvili, Marneuli meri Zaur Darğallı və Gürcüstanın Ətraf Mühitin Mühafizəsi və Kənd Təsərrüfatı Nazirliyinin nümayəndəsi Tengizlm Kalandze ilə əldə etdikləri razılaşmanın həyata keçirilməsinə başlanmalıdır.
Marneulidə məskunlaşan azərbaycanlılar kənd təsərrüfatı məhsulları yetişdirib satırlar. Amma karantinlə əlaqədar məhsullarını Tbilisiyə apara bilmirlər. Marneuli sakinləri mitinq keçirərək, nəzarət-buraxılış məntəqələrinin açılmasını və Marneuli bələdiyyəsində karantinin ləğvini tələb ediblər. Azərbaycanlılar Şulaveri kəndi və Marneuli şəhəri arasındakı mərkəzi yolu bağlayıblar. Hakimiyyətlə görüşdən sonra marneulililər etiraz aksiyasını dayandırmağa razılaşıblar.
Rexviaşvili, Kalandze və Darğallı sakinlərə yerli məhsulun tamamilə satılacağına söz veriblər. Dünən isə yük maşınları və şirkət nümayəndələri oraya gəliblər. Bu şirkət əhalidən məhsulları alıb özü daşıyır. Amma marneulililər alış qiymətlərinin artırılmasını da tələb edirlər, belə ki, Gürcüstan şirkəti ötən ilki qiymətdən 2-3 dəfə aşağı qiymət təklif edir.
Tbilisinin azərbaycanlıların etirazına münasibətini Marneulidəki mitinqdə səslənən siyasi tələblər gücləndirib. Bəzi aksiya iştirakçıları keçmiş prezident Saakaşvilinin adını səsləndirib, aksiyada isə sabiq prezidentin tərəfdarları - deputat Azər Süleymanov ("Vahid Milli Hərəkat" Partiyası) və sabiq deputat Əhməd İmamquliyev ("Avropa Gürcüstanı" Partiyası) iştirak ediblər.
İqtisadi tələblərin siyasiləşdirilməsi paytaxtda cavab reaksiyasına səbəb olub. Parlamentin sabiq spikeri və hakim "Gürcü arzusu" Partiyasının icraçı katibi İrakli Kobaxidze parlamentin plenar iclasında müxalifəti Marneulidə aksiya təşkil etməkdə ittiham edib.
"Bu, çox ciddi aktdır, bu, cinayətdir və biz onlara odla oynamamaları barədə xəbərdarlıq etməliyik", deyə Kobaxidze bildirib.
Süleymanov və İmamquliyev siyasi şüarların onlarla əlaqəsi olduğunu inkar edirlər. -0-
-
- İqtisadiyyat
- 23 Aprel 2020 13:23
-
- Kənd təsərrüfatı
- 23 Aprel 2020 14:00
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz