Tbilisi/28.10.13/Turan-BSPRESS: Hakim “Gürcü arzusu” koalisiyasından prezidentliyə namizəd Georgi Marqvelaşvili seçkilərdə 62,09% səs toplayır.
“Vahid milli hərəkat”dan (Saakaşvilinin partiyası) David Bakradze 21,09% toplayıb. Bu barədə Gürcüstan MSK 91% məntəqədən məlumatları topladıqdan sonra bildirib.
Demokratik Hərəkat Vahid Gürcüstan Partiyasından Nino Burcanadze 10,06% səs toplayır. Bu barədə bazar ertəsi brifinqdə Gürcüstan MSK-nın mətbuat sözçüsü Eka Azaraşvili bildirib. Seçkilərdə iştirak 46,6% və ya 1 milyon 648 min 662 nəfər təşkil edib.
Yeni prezidentin andiçmə mərasimi noyabrın 17-də olacaq.
Konstitusiyaya görə, seçkilərin yekun nəticələri səsvermədən sonra 20 gün ərzində elan olunmalıdır.
Baş nazir Bidzina İvanişvili oktyabrın 28-də mətbuat konfransı keçirəcək və ola bilsin ki, hökumət başçısı postunu tutacaq şəxsin adını açıqlasın. Özü isə siyasətdən getmək və vətəndaş sektorunun inkişafı ilə məşğul olmaq istəyir. -02D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz