Məhkəmə Anar Məmmədlini həbsdə saxlayıb
Mayın 8-də Bakının Xətai Rayon Məhkəməsi seçkilər sahəsində məşhur hüquq müdafiəçisi Anar Məmmədlinin ev dustaqlığına keçirilməsi haqqında vəsatəti təmin etməyib. Bu barədə Turan-a onun vəkili Elmar Süleymanov bildirib. Vəkil qeyd edib ki, müdafiə tərəfi A.Məmmədlinin həbsi üçün heç bir əsas yoxdur.
Məmmədli məşhur hüquq müdafiəçisidir, istintaqdan yayınmaq niyyətində deyil. Bundan başqa, onun himayəsində azyaşlı uşağı, səhhəti zəif olan yaşlı anası və atası var.
"Amma təəssüf ki, məhkəmə bizim əsaslarımızı eşitmədi və vəsatətimizi təmin etmədi", deyə vəkil bildirib. O, məhkəmə qərarından apellyasiya şikayəti veriləcəyini qeyd edib.
Məmmədli aprelin 29-da saxlanılıb. Ertəsi gün ona qarşı CM-in 206.3.2-ci maddəsi (əvvəlcədən əlbir olan bir qrup şəxs tərəfindən qaçaqmalçılıq) ilə ittiham irəli sürülüb. O, "Azad Media"nın işi üzrə məsuliyyətə cəlb edilib.
Hazırda bu iş üzrə, Məmmədli də daxil olmaqla, 8 nəfər həbs olunub.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz