Dekabrın 2-də Bakının Nəsimi Rayon Məhkəməsi Azərbaycan Xalq Cəbhəsi Partiyasının (AXCP) sədri Əli Kərimlinin məhkəməsi zamanı saxlanılan fəallardan ikisini inzibati həbsə məhkum edib, 4 fəalı isə cərimə edərək sərbəst buraxıb.
AXCP sədrinin müavini Ayaz Məhərrəmli Turana deyib ki, fəallar İnizabti Xətalar Məcəlləsinin 510 (xırda xuliqanlıq) və 535.1 (poliosin qanuni tələbinə tabe olmamaq) maddələri ilə təqsirli bilinib.
Belə ki, Nəsimi Rayon Məhkəməsi AXCP fəalları Rövşən Asvarovu 15 sutka, Fəraim İsmayılovu 30 sutka inzibati həbsə məhkum edib. Fəallar Elçin Hacıvəlli, Elçin Nuruşov, Rövşən Rəhimov və Rövşən Səfərov hər biri 200 manat olmaqla cərimə olunub.
Bundan başqa, Ruslan Əmirov, Fuad Abdullayev və Elməddin Muradov polisdən sərbəst buraxılıblar.
Əmirov Turana bildirib ki, saxlanılarkən və sonra polis maşınında onu şiddətli döyüblər.
“Məni üzümə, başıma vurudular, çox ehtimal ki, burnum və sol qabırğamda sınıqlar var”, - deyə Əmirov Turan-a bildirib. O, şikayət edəcəyini deyib.
Cərimə olunan Səfərov döyülmə faktını da bildirib. O, fiziki təzyiqlə bağlı şikayət və cərimədən apellyasiya vermək niyyətindədir.
Öz növbəsində, Daxili İşlər Nazirliyi Turanın insidentlə bağlı sorğusuna hələ cavab verməyib.
Bu gün Bakının Nəsimi Rayon Məhkəməsi hakim Babək Pənahovun sədrliyi ilə Azərbaycan Xalq Cəbhəsi Partiyasının (AXCP) sədri Əli Kərimlini Cinayət Məcəlləsinin 147.1 (böhtan) maddəsi ilə təqsirli bilərək, onun 1500 manat cərimə edilməsi barədə hökm çıxarıb.
Siyasət
-
ABŞ-ın seçilmiş prezidenti Donald Tramp öz komandasına yanvarın 20-də keçiriləcək inaqurasiyasından sonra Rusiya prezidenti Vladimir Putinlə telefon danışığı təşkil etməyi tapşırıb. Bu barədə CNN məsələ ilə tanış mənbələrə istinadən xəbər verib.
-
O dəhşətli gecədən 35 il keçdi, 19 yanvar - 20 Yanvar 1990-cı ildə sovet rəhbərliyinin əmrlərinə əməl edərək 35.000 nəfərlik ordu korpusu zorla Bakıya girdi. Bu təcavüzkar hərəkət mülki əhali arasında çoxsaylı itkilərə səbəb oldu və Azərbaycanın müstəqilliyi uğrunda mübarizədə faciəli bir fəsil oldu. Sovet ordusunun Bakıya işğalı artan milli azadlıq hərəkatını yatırmaq, xüsusən də 1990-cı ilin martına təyin olunmuş qarşıdan gələn parlament seçkilərini pozmaq məqsədi ilə təşkil edildi.
-
Müsavat Partiyasının fəalı, keçmiş siyasi məhbus Əlikram Xurşidov Şirvan şəhərində, yaşadığı evdə həbs edilib.
-
ABŞ-ın Azərbaycandakı səfirliyinin sözçüsü Erin Robertson Azərbaycan xarici işlər naziri Ceyhun Bayramovun yanvarın 16-da Amerika Beynəlxalq İnkişaf Agentliyinin (USAID) 2024-cü il 1 iyun tarixindən Azərbaycanda fəaliyyət göstərməsinin de-yure mümkün olmaması ilə bağlı bəyanatı barədə Amerikanın Səsinin sorğusuna cavab verib.
Rəy yaz