Bu gün Nəsimi rayon məhkəməsi Xalq Cəbhəsi Partiyasının (AXCP) sədr müavini Fuad Qəhrəmanlının həbs cəzasının ev dustaqlığı ilə əvəz edilməsi haqqında vəsatətini təmin etməyib.
Müdafiə tərəfi apellyasiya şikayəti vermək niyyətindədir.
Qəhrəmanlı 2015-ci il dekabrın 8-də dövlətə qarşı ictimai çağırışlar, milli, irqi və dini ayrı-seçkilik salmaq ittihamı ilə həbs edilib. Xüsusən, Qəhrəmanlı Nardaran qəsəbəsində “Müsəlman birliyi” hərəkatının lideri Taleh Bağırzadənin həbsindən sonra qəsəbədə hüquqazidd əməllərə çağırış etməkdə ittiham olunur.
Vəkil Nemət Kərimli Turan-ın müxbiri ilə söhbətində bu ittihamları absurd adlandırıb. Onun sözlərinə görə, prokurorluq Qəhrəmanlının dindarların Aşura günü imam Hüseynə yas tutmaq yerinə ədalətsizliyə qarşı mübarizə aparmalı olduğu haqqında ifadələrində “kriminal” görüb.
Qəhrəmnlı barəsində heç bir istintaq hərəkəti aparılmır. AXCP-də əmindirlər ki, Qəhrəmanlı Azərbaycanın demokratikləşməsi uğrunda ardıcıl, prinsipial mübarizəsinə görə həbs edilib. -06B0-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz