Məhkəmə fəal Rail Abbbasovu 6,5 il azadlıqdan məhrumetmə cəzasına məhkum edib

Yanvarın 9-da Bakı Ağır Cinayətlər Məhkəməsində dələduzluqda ittiham olunan fəal Rail Abbasovun işi üzrə proses başa çatıb.

Abbasov son sözündə deyib ki, əsassız olaraq həbs edilmiş dostu, hüquq müdafiəçisi Bəxtiyar Hacıyevi müdafiə etdiyinə görə uydurma və saxta ittihamla həbs edilib. 

Abbasov öz işinin saxtalaşdırılmasının dəlili kimi işində çox sayda uyğunsuzluqları göstərib və məhkəmədən ədalətli qərar çıxarmağı xahiş edib.

Lakin məhkəmə Abbasovu 6,5 il müddətinə azadlıqdan məhrum edib.

Prokuror Abbasovun 8 il müddətinə həbs edilməsini istəmişdi.

* 20 sentyabr 2023-cü il tarixində Bakının Nəsimi Rayon Məhkəməsi CM-in 178.3.2-ci (dələduzluq, külli miqdarda ziyan vurmaqla törədildikdə) maddəsi ilə ittiham edərək 4 ay müddətinə həbs edib.

Abbasov ittihamları təkzib edir, həbsinin əsl səbəbinin 2022-ci ilin dekabrında həbs edilmiş fəal Bəxtiyar Hacıyevin hüquqlarının müdafiəsində fəal iştirak etməsi olduğunu hesab edir.

Hüquq müdafiəçiləri hər ikisini siyasi məhbus kimi tanıyıb.