Məhkəmə iki jurnalistin ilkin həbs müddətini uzadıb
Məhkəmə iki jurnalistin ilkin həbs müddətini uzadıb
Martın 19-da Bakının Səbail Rayon Məhkəməsi "Kanal 13" İnternet TV-nin rəhbəri Əziz Orucovun və bu media qurumunun əməkdaşı Şamo Eminovun ilkin həbs müddətini iki ay uzadıb. Bu barədə Turan-a Əziz Orucovun həyat yoldaşı Lamiyə Orucova bildirib.
Onun sözlərinə görə, məhkəmənin qərarlarından apellyasiya şikayətləri veriləcək.
"Hazırda məni ən çox Əzizin sağlamlığı narahat edir. Heç bir istintaq hərəkəti aparılmır, lakin həbs müddəti üçüncü dəfədir uzadılır", deyə Lamiyə Orucova bildirib.
Öz növbəsində, Şamo Eminovun vəkili Əlibaba Rzayev də müvəkkilinin həbs müddətinin uzadılmasının əsassız olduğunu qeyd edib.
"İttihamın heç bir hüquqi əsası yoxdur", deyə vəkil Turan-a bildirib.
* Xatırladaq ki, Əziz Orucov 27 noyabr 2023-cü il tarixində saxlanılıb və qanunsuz tikinti aparmaqda ittiham olunub, məhkəmə onu üç ay müddətinə həbs edib.
Dekabrın 19-da ona qarşı CM-in 206.3.2-ci (qaçaqmalçılıq, əvvəlcədən əlbir olan bir qrup şəxs tərəfindən törədildikdə) maddəsi ilə yeni ittiham irəli sürülüb. Orucovu 8 ilədək azadlıqdan məhrumetmə cəzası gözləyir.
Əziz Orucov 2017-ci ildə qanunsuz sahibkarlıq ittihamı ilə 6 il müddətinə azadlıqdan məhrum edilib. 2018-ci ildə Ali Məhkəmə cəzaya yenidən baxıb və ittihamı ləğv edib.
** Kanal-13-lə əməkdaşlıq edən jurnalist-frilanser Şamo Eminov dekabrın 22-də saxlanılıb və "əvvəlcədən əlbir olan bir qrup şəxs tərəfindən xarici valyuta qaçaqmalçılığı" (Azərbaycan CM-in 206.3.2-ci maddəsi) ittihamı ilə 3 ay müddətinə həbs edilib.
Siyasət
-
Bazar ertəsi ABŞ Gürcüstana bir daha xəbərdarlıq edib ki, kütləvi etirazlara səbəb olan "Xarici agentlər haqqında" qanunu irəli sürərək ABŞ və Avropa İttifaqı ilə münasibətləri riskə atır.
-
Ermənistan Gürcüstan və İranla mehriban qonşuluğu inkişaf etdirməli, Türkiyə və Azərbaycanla isə "düşmənçiliyi idarə etməli, azaltmalı və aradan qaldırmalıdır", regional nəqliyyat marşrutlarını inteqrasiya etməlidir, iqtisadi əlaqələr qurmalı və inkişaf etdirməlidir. Bu barədə mayın 7-də Ermənistanın baş naziri Nikol Paşinyan mətbuat konfransında bildirib.
-
240 beynəlxalq vətəndaş cəmiyyəti təşkilatı, alim və hüquq müdafiəçisi korrupsiyaya qarşı mübarizə üzrə ekspert, Azərbaycanda ev dustaqlığında olan Qubad İbadoğlunun azad edilməsini tələb edən açıq məktub dərc ediblər.
-
Kreml nüvə təlimlərinin keçirilməsi barədə elan etdikdən sonra bazar ertəsi ABŞ Rusiyanın "məsuliyyətsiz ritorikasını" pisləyib. Eyni zamanda, ABŞ Rusiyanın strateji mövqeyində heç bir dəyişiklik görmür.
Rəy yaz