AXCP-nin Daşkəsən rayon təşkilatının sədri narkotik vasitələrin qanunsuz dövriyyəsində ittiham olunur
AXCP-nin Daşkəsən rayon təşkilatının sədri narkotik vasitələrin qanunsuz dövriyyəsində ittiham olunur
AXCP-nin Daşkəsən rayon təşkilatının sədri Sahib Məmmədzadə DİN-in Baş Narkotiklərlə Mübarizə İdarəsinin əməkdaşları tərəfindən narkotik vasitələrin qanunsuz dövriyyəsində şübhəli bilinərək saxlanılıb, bu barədə Turan-a DİN-in mətbuat xidmətinin regional qrupundan bildiriblər.
Qurumun nümayəndəsi qeyd edib ki, işi Azərbaycan DİN-in Baş Narkotiklərlə Mübarizə İdarəsi aparır.
Məmmədzadənin bacısı Tacirə Məmmədzadə Turan-a bildirib ki, qardaşını maskalı şəxslərin saxlamasının şahidi olub.
"Martın 18-də biz KAMAZ avtomobilində yol gedirdik, Sahib qoyunları dağa aparırdı. Polis postunun yaxınlığında maşını saxladılar. Sahibi maşından çıxardılar və döyə-döyə başqa maşına mindirdilər. Mən baş verənləri videoya çəkmək istədim, lakin məni döydülər və telefonu əlimdən aldılar", deyə o qeyd edib.
Məmmədzadə martın 18-də saxlanılıb. AXCP-də onun siyasi motivlərlə təqib olunduğunu hesab edirlər.
Siyasət
-
Bu gün Bakıya gələn Almaniya xarici işlər naziri Annalena Berbek COP29 iqlim konfransı ərazisində mətbuat konfransı keçirib.
-
Noyabrın 21-də Bakıda BMT-nin İqlim Konfransı (COP29) məkanda iqlim fəalları çoxsaylı aksiyalar keçirib.
-
Şərq Tərəfdaşlığı Vətəndaş Cəmiyyəti Forumunun (EaP CSF) Baş Assambleyası cümə günü qəbul etdiyi qətnamədə Ukraynada Rusiyanın davam edən təcavüzündən qaynaqlanan geosiyasi gərginliklərin artdığı bir şəraitdə demokratik islahatlara, regional sabitliyə və Avropa inteqrasiyasına sadiqliyini bir daha təsdiq edib.
-
Bakı 1 saylı İstintaq Təcridxanasında saxlanılan fəal Nicat İbrahim əsassız cinayət təqibinə etiraz olaraq noyabrın 20-də özünə çoxsaylı xəsarət yetirib. Bu barədə Turan-a onun xanımı Pərvin İbrahim bildirib. Onun sözlərinə görə, noyabrın 21-də həyat yoldaşı zəng edərək deyib ki, ötən gün güzgü parçası ilə özünə xəsarət yetirib. O, boğazını və qulaqlarını kəsib.
Rəy yaz