Məhkəmə jurnalist Elnarə Qasımovanın həbs müddətini uzadıb
Avqustun 10-da Bakının Xətai Rayon Məhkəməsi “Abzas Media” işi üzrə həbs edilən jurnalist Elnarə Qasımovanın barəsində seçilmiş həbs-qətimkan tədbirinin müddətinin uzadılması ilə bağlı istintaq orqanının vəsatətini təmin edib.
Məhkəmənin qərarına əsasən, o, sentyabrın 20-dək həbsdə qalacaq.
Bu barədə Turan-a onun vəkili Bəhruz Bayramov məlumat verib.
Müdafiə tərəfi jurnalistin həbs müddətinin uzadılması qərarını əsassız sayır və ondan apellyasiya instansiyası məhkəməsinə şikayət etmək niyyətindədir.
Qasımova məhkəmədə bir daha jurnalist fəaliyyətinə görə həbs olunduğunu bildirib və ona qarşı irəli sürülən ittihamları rədd edib.
Qasımova yanvarın 15-də həbs Cinayət Məcəlləsinin 206.3.2-ci (qabaqcadan əlbir olan bir qrup şəxs tərəfindən qaçaqmalçılıq) maddəsi ilə nəzərdə tutulmuş əməlləri törətməkdə ittiham olunaraq edilib.
Ötən ilin noyabrından eyni iş üzrə “Abzas Media” internet nəşrini idarə edən və onunla əməkdaşlıq edən daha 5 jurnalist və media işçisi həbs edilib.
Hüquq müdafiəçiləri bu işdə adı keçənləri siyasi məhbus kimi tanıyıb, beynəlxalq təşkilatlar isə həbs olunanların azadlığa buraxılmasına çağırıblar.
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz