Səbail rayon məhkəməsi sentyabrın 18-də “Bizim yol” qəzetinin əməkdaşı və moderator.az saytının rəhbəri, sentyabrın 17-də axşam MTN əməkdaşları tərəfindən saxlanılmış Pərviz Həşimli barəsində 2 ay müddətinə həbs qətimkan tədbiri seçib. Bu barədə Turan-a onun vəkili Elçin Sadıqov bildirib.
Vəkilin sözlərinə görə, məhkəməyə təqdimatda üç aylıq həbs müddəti göstərilib, lakin məhkəmə 2 aylıq həbsə icazə verib. Elçin Sadıqov həmçinin bildirib ki, bu gün Pərviz Həşimli ilə görüşüb, o, irəli sürülmüş ittihamlarla razı deyil. O, öz həbsini peşə və hüquq-müdafiə fəaliyyəti ilə əlaqələndirir. Həşimli həmçinin bildirib ki, dünən həbs zamanı ona qarşı zorakılığa yol verilib.
Vəkil bildirib ki, Səbail rayon məhkəməsi tərəfindən icazə verilmiş həbsdən apellyasiya şikayəti verməyə hazırlaşır.
Pərviz Həşimli CM-in 206.3.2 və 228. 2.1-ci (qaçaqmalçılıq və qanunsuz silah əldə etmə) maddələri ilə ittiham olunur. -16D-
Siyasət
-
Müstəqil jurnalist Xanım Mustafayeva yanvarın 11-də Azərbaycandan xaricə gedə bilməyib. Bakı hava limanında ona bildiriblər ki, qadağa Azərbaycanın Daxili İşlər Nazirliyi tərəfindən qoyulub. Lakin jurnalistin hüquqlarının məhdudlaşdırılmasının səbəbləri ona izah edilməyib.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
-
Cənubi Kaliforniyada yanvarın 7-də başlamış yanğını lokallaşdırmaq mümkün olmayıb. ABŞ prezidenti Co Bayden genişmiqyaslı təbii fəlakət rejiminin tətbiq edildiyini açıqlayıb.
Rəy yaz