![Məhkəmə Tofiq Yaqublunun həbs müddətini daha 20 gün uzadıb](https://turan.az/resized/news/2024/rVpW5fdeLyEyoWcsmdcT2v9ZFuQcnHkhQm2jLfNI-750-500-resize.webp)
Məhkəmə Tofiq Yaqublunun həbs müddətini daha 20 gün uzadıb
Məhkəmə Tofiq Yaqublunun həbs müddətini daha 20 gün uzadıb
İyunun 1-də Bakının Nərimanov Rayon Məhkəməsi istintaq orqanının Demokratik Qüvvələrin Milli Şurasının və Müsavat Partiyasının üzvü Tofiq Yaqublu barəsində həbs qətimkan tədbirinin daha 20 gün uzadılması haqqında təqdimatını təmin edib, bu barədə Turan-a onun vəkili Nemət Kərimli bildirib.
Onun sözlərinə görə, Yaqublunun həbs müddəti iyunun 11-də başa çatacaqdı, indi məhkəmənin qərarı ilə həbs müddəti 1 iyula qədər uzadılıb.
Maraqlıdır ki, Yaqublu barəsində ibtidai istintaq artıq yekunlaşıb.
Həbs müddətinin uzadılması onun işi üzrə məhkəmə təhqiqatının başlamasının gecikdirilməsi deməkdir.
* Demokratik Qüvvələrin Milli Şurasının və Müsavat Partiyasının üzvü Tofiq Yaqublu dekabrın 14-də dələduzluq və qanunsuz sənəd hazırlama ittihamı ilə həbs olunub. Yerli və beynəlxalq hüquq müdafiə təşkilatları onu siyasi məhbus kimi tanıyıblar.
-
- Cəmiyyət
- 1 İyun 2024 13:49
Siyasət
-
Bazar ertəsi ABŞ-ın baş diplomatı bildirib ki, onun ölkəsi sülh sazişinə nail olmaq üçün Azərbaycan və Ermənistana kömək etməyə çalışmaqla öz diplomatiyasına "intensiv sərmayə yatırıb". O bu sülhü “əlçatan” adlandırıb, Turan-ın Vaşinqton müxbiri bildirib.
-
"Sülh sazişinin başlıca şərti Ermənistanın konstitusiyasının dəyişdirilməsidir. Çünki onun tərkibində Azərbaycana qarşı ərazi iddiaları var və bu, baş verməyənə qədər sülh sazişi imzalanmayacaq. Bu, məlum məsələdir". Bu barədə iyulun 1-də Azərbaycan prezidenti İlham Əliyev Kanadanın yeni təyin edilmiş səfiri Kevin Hamiltonun etimadnaməsini qəbul edərkən bildirib.
-
İyunun 28-də Azərbaycan xarici işlər naziri Ceyhun Bayramov ilə İsrail xarici işlər naziri İsrael Katz arasında telefon danışığı aparılıb.
-
Müsavat Partiyasının İdarə Heyəti sentyabrın 1-nə təyin edilmiş növbədənkənar parlament seçkiləri ilə bağlı mövqeyini müəyyən etmək üçün təşkilatın məclisinin növbədənkənar sessiyasını çağırıb.
Rəy yaz