Səbayel Rayon Məhkəməsi dövlətə xəyanətdə ittiham olunan “Tolişi sədo” qəzetinin baş redaktoru Hilal Məmmədovun təqsirsizlik prezumpsiyası hüququnun pozulması ilə bağlı şikayəti 1 saylı Bakı İnzibati İqtisad Məhkəməsinə göndərib.
Bu barədə Turan-a vəkil Xalid Bağırov bildirib.
2012-ci il iyulun 4-də DİN və Baş Prokurorluq birgə bəyanat yayaraq H.Məmmədovu cinayəti sübut olunmuş şəxs kimi təqdim edib, bu da təqsirsizlik prezumpsiyası hüququnun kobud şəkildə pozulması deməkdir.
Vəkilin sözlərinə görə, 7 aydan sonra Səbayel Rayon Məhkəməsi hakim Rauf Əhmədovun sədrliyi ilə bu işlə bağlı şikayətə bu gün baxmalı idi. Lakin məhkəmə işi inzibatı məhkəməyə göndərilməsini əsas bilib.
“Məhkəmə bununla əsaslandırıb ki, DİN və Baş Prokurorluq inzibati orqandır və bu tip şikayətlərə orada baxılmalıdır”, - vəkil əlavə edib və eyni zamanda bunun əsassız olduğunu bildirib. Onun sözlərinə görə, bu şikayət cinayət işi ilə bağlı olduğu üçün ümumi məhkəmələrdə baxılmalıdır.
Vəkil Səbayel məhkəməsinin bu addımını onunla əsaslandırıb ki, məhkəmələr işlərə baxmaq istəmir və süründürməçiliyə yol verirlər. -16D-
Siyasət
-
Avropa İttifaqı Şurasının Prezidenti Antonio Koşta yanvarın 9-da Azərbaycan Respublikasının Prezidenti İlham Əliyevə zəng edib.
-
Ermənistanın baş naziri Nikol Paşinyan Facebook səhifəsində regionda uzuznmüddətli sülhün bərqərar olması ilə bağlı təkliflərini dərc edib. Bu təkliflər arasında o, Azərbaycana təkcə beynəlxalq məhkəmələrdə deyil, ümumiyyətlə də qarşılıqlı iddialardan imtina etməyi təklif edib.
-
ABŞ Ukrayna üçün yeni və prezident Co Baydenin administrasiyası dövründə sonuncu hərbi yardım paketini açıqlayıb. ABŞ-ın müdafiə naziri Lloyd Ostin Almaniyada bildirib ki, yardımın məbləği 500 milyon dollar təşkil edir.
-
Bakıda 10 yeni metro stansiyasının inşa ediləcəyi gözlənir. Bu barədə yanvarın 7-də jurnalistlərlə görüş zamanı prezident İlham Əliyev danışıb.
Rəy yaz