Cümə axşamı prezident İlham Əliyev I Avropa Oyunlarının 2015-ci ildə Bakı şəhərində keçirilməsini təmin etmək məqsədilə Təşkilat Komitəsinin yaradılması barədə sərəncam imzalayıb.
Dövlət başçısı öz xanımı, Heydər Əliyev Fondunun prezidenti, Azərbaycan Milli Olimpiya Komitəsi İcraiyyə Komitəsinin üzvü, UNESCO-nun xoşməramlı səfiri Mehriban Əliyevanı Təşkilat Komitəsinin sədri təyin edilib.
Təşkilat Komitəsinə Bakı Şəhər İcra Hakimiyyətinin rəhbəri Hacıbala Abutalıbov, gənclər və idman, xarici işlər, maliyyə, iqtisadi inkişaf, daxil işlər, milli təhlükəsizlik, səhiyyə, rabitə və informasiya texnologiyaları nazirləri, Sərhəd Qoşunlarının rəisi, Dövlət Gömrük Komitəsinin sədri, Prezident Administrasiyasının nümayəndələri və digər qurumların rəhbərləri, Olimpiya çempionları daxildir.
Qeyd edək ki, 2011-2012-ci illərdə icra hakimiyyəti strukturlarında rəsmi mövqe tutmayan M.Əliyeva ötən ilin mayında Bakıda “Eurovision” mahnı müsabiqəsinin keçirilməsi üzrə Təşkilat Komitəsinə rəhbərlik edib.
*Birinci Avropa Olimpiya Oyunları 2015-ci ildə Bakıda keçiriləcək. Bu qərar Avropa Olimpiya Komitəsi Baş Assambleyasında qəbul olunub. Yarışlar idmanın 15 növü üzrə keçiriləcək. Oyunlarda 15 mindən çox idmançının iştirak edəcəyi gözlənilir.06D--
![Rüstəm İbrahimbəyov: Milli Şuranın dəstəklədiyi vahid namizəd prezident olacaq [Video]](https://turan.az/resized/media/2013/main/011700025016-80-50-fit.webp)
Siyasət
-
Bu həftə Tramp administrasiyası Türkiyə ilə yeni danışıqlara başlayıb, ikitərəfli və regional məsələlərə, o cümlədən Cənubi Qafqazdakı sülhə xüsusi diqqət yetirib, Turan-ın Vaşinqton müxbiri bildirib.
-
Azərbaycan Prezidenti İlham Əliyev cümə axşamı 2005-ci ildə təsdiq edilmiş məxfi məlumatların siyahısına dəyişiklik edilməsi ilə bağlı fərman imzalayıb. Dəyişikliklər, Azərbaycan Respublikasının Milli Məclisi tərəfindən 22 dekabr 2023-cü ildə qəbul edilmiş “Mühasibat uçotu haqqında” və “Dövlət sirri haqqında” qanunlara edilən düzəlişlərə uyğundur.
-
Yanvarın 23-də Bakı Apellyasiya Məhkəməsi hakim Zamin İbrahimovun sədrliyi ilə “Meydan TV”nin jurnalisti Natiq Cavadlı barədə seçilmiş həbs qətimkan tədbirnin ev dustaqlığı imkan tədbiri ilə əvəz edilməsi barədə vəsatətin təmin edilməməsi barədə Xətai Rayon Məhkəməsinin qərarından verilən şikayəti təmin etməyib. Məhkəmə jurnalisti həbsdə saxlayıb.
-
Yanvarın 23-də Azərbaycan SQ-nin Quru Qoşunları komandanının müavini general-mayor İlqar Lətifov ölkəmizdə rəsmi səfərdə olan Pakistan Silahlı Qüvvələrinin Hərbi Əməliyyatlar üzrə Baş Direktoru general-mayor Abdulla Kəşifin rəhbərlik etdiyi nümayəndə heyəti ilə görüşüb.
Rəy yaz