Mehriban Əliyevanın yeni köməkçisi
Bakı/14.11.17/Turan: Birinci vitse-prezident Mehriban Əliyevaya yeni köməkçi təyin edilib. Gündüz Kərimov birinci vitse-prezidentin sayca 4-cü köməkçisidir.
Gündüz Hacı oğlu Kərimov 1977-ci ildə Qazaxda anadan olub. 1994-cü ildə Göygöl şəhər 1 saylı orta məktəbini bitirib.
1994-ci ildə Bakı Dövlət Universitetinin beynəlxalq hüquq və beynəlxalq münasibətlər fakültəsinə daxil olub, 1998-ci ildə bakalavr, 2000-ci ildə isə magistratura təhsil pilləsini fərqlənmə diplomu ilə bitirib.
1998-ci ildə MDB dövlətləri arasında Sankt-Peterburq şəhərində keçirilmiş "Beynəlxalq humanitar hüquq" üzrə müsabiqədə 2-ci yer qazanıb.
2002-ci ildə ABŞ İndiana Universitetinin hüquq fakültəsinin magistraturasını bitirib.
2003-2006-cı illərdə Azərbaycan Milli Elmlər Akademiyasının Fəlsəfə və Siyasi-Hüquqi Tədqiqatlar İnstitutunun aspirantı olub. 2008-ci ildə "Beynəlxalq xüsusi hüquqda sənaye mülkiyyəti obyektlərinin hüquqi mühafizəsi" mövzusunda hüquq üzrə fəlsəfı doktor alimlik dərəcəsi alıb.
1998-2014-cü illlərdə bank sahəsində, Beynəlxalq Qırmızı Xaç Komitəsində, BDU-da müəllim, hüquq fakültəsinin dekan müavini vəzifəsində çalışıb.
2014- cü ildən köməkçi təyin edilənə kimi BDU-nun Dəniz və Enerji Hüququ Mərkəzinin rəhbəri vəzifəsində çalışıb.
Evlidir, iki övladı var.-05D-
-
- İqtisadiyyat
- 14 Noyabr 2017 17:19
-
- Cəmiyyət
- 14 Noyabr 2017 17:50
Siyasət
-
Ötən ilin noyabrından Azərbaycanda müstəqil mətbuatın və vətəndaş cəmiyyətinin sıxışdırılması müşahidə olunur ki, bu da son dərəcə narahat edir və Azərbaycanı illərlə geriyə atır. Bu barədə cümə günü ABŞ-ın Azərbaycandakı səfiri Mark Libbi bir qrup jurnalistə müsahibəsində bildirib.
-
Böyük Britaniyanın 50-dən çox beynəlxalq təşkilatının və aparıcı universitetinin professorları Britaniya hökümətindən doktor Qubad İbadoğlunun işi üzrə səylərini artırmağa çağırırlar.
-
Demokratik Qüvvələrin Milli Şurası mayın 19-da Bakıda siyasi məhbusların azad edilməsi, seçki islahatlarının aparılması, əhalinin sosial vəziyyətinin yaxşılaşdırılması, quru sərhədlərinin açılması tələbilə etiraz aksiyası təyin edib.
-
Bu gün Ali Məhkəmədə Yunis Səfərovun və Gəncə Şəhər İcra Hakimiyyətinin keçmiş başçısı Elmar Vəliyevə və polis əməkdaşlarına sui-qəsd cəhdində ittiham olunan digər şəxslərin kassasiya şikayətlərinə baxılıb.
Rəy yaz