Meksika məhkəməsi: Heydər Əliyevin Mahatma Qandinin yanında yeri yoxdur
Meksikada Federal İnzibati Məhkəmə Heydər Əliyevin abidəsinin sökülməsinin qadağan edilməsinə nail olmağa çalışan Azərbaycan səfirliyinin şikayətini təmin etməyib, xəbəri Cronica nəşri yayıb.
Abidə ötən yay Mexikonun mərkəzi parkında yerləşdirilib. Azərbaycan parkın yenidənqurmasına 5 milyon dollar vəsait ayırıb. Lakin abidənin quraşdırılması yerli hüquq müdafiəçilərinin etirazlarına səbəb olub. Bu yaxınlarda hakimiyyət nümayəndəsi də tənqidi dəstəkləyərək, “diktatorun abidəsinin Mexikoya hörmət qazandırmadığını” bildirib.
Noyabrın sonlarında ekspert komissiyası şəhər hakimiyyətinə Heydər Əliyevin abidəsini mərkəzi parkdan başqa yerə keçirməyi tövsiyə edib. Ekspertlər Mahatma Qandi, Avraam Linkoln və Meksikanın milli qəhrəmanlarının yanında Əliyevin yeri olmadığını hesab ediblər.
Azərbaycan səfirliyi Əliyevin abidəsinin sökülməsi cəhdlərinə qarşı çıxıb. “Abidə götürülərsə, bu, Azərbaycan və Meksika arasında münasibətlərin kəskin şəkildə pisləşməsinə səbəb olacaq, o cümlədən investisiyalar həyata keçirilməyəcək, ən qəti tədbir isə səfirliyin bağlanması olacaq”, deyə Azərbaycan səfiri İlqar Muxtarov xəbərdarlıq edib.
Səfirlik abidənin sökülməsinin qadağan edilməsi xahişi ilə rayon məhkəməsinə müraciət edib. Rayon məhkəməsi 2012-ci ilin noyabrında bu xahişə baxaraq, rədd cavabı verib. Yanvarın 9-da Federal İnzibati Məhkəmə analoji qərar çıxarıb. -02D-
-
- İqtisadiyyat
- 14 Yanvar 2013 16:30
-
- Siyasət
- 14 Yanvar 2013 17:08
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz