2012-ci ildə Vergilər Nazirliyi 11150 vergi ödəyicisində, o cümlədən 7075 hüquqi şəxsdə səyyar vergi yoxlamasını başa çatdırıb. İl ərzində belə yoxlamalar 15,9 faiz azalıb. Səyyar vergi yoxlamalarının sayının azalmasına baxmayaraq, hesablanmış əlavə vəsaitin məbləği 17 faiz artıb.
Vergilər Nazirliyində Turan-a deyiblər ki, 2012-ci ildə səyyar vergi yoxlamaları ilə vergi ödəyicilərinin 4,8%-i əhatə edilib. Bu, 2011-ci ildəkindən 1,4% azdır. Yoxlamaların dörddə biri növbədənkənar olub.
Hesabat dövründə başa çatdırılmış yoxlamalar üzrə büdcəyə ümumilikdə 612,9 milyon manat əlavə hesablanıb. Bunun 51,2%-i əlavə hesablanmış vergi məbləği, 48,8%-i vergilərin azaldılmasına və digər hüquq pozuntularına görə tətbiq edilmiş maliyyə sanksiyası və faizlərdir. 2011-ci illə müqayisədə 2012-ci ildə əlavə hesablanmış vergi məbləği 24,5 %, maliyyə sanksiyası və faizlər üzrə məbləğlər isə 10,1 % artıb,
Vergilər Nazirliyində qeyd ediblər ki, büdcəyə hesablanmış əlavə vəsaitin 43,5%-i isə növbədənkənar yoxlamaların payına düşür. 08D
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz