![Müxalif siyasi qüvvələr Lənkəran hadisəsini İsa Qəmbərə sui-qəsd hesab edir](https://turan.az/resized/750/500/resize/media/2013/main/011400024518.jpg)
Müxalif siyasi qüvvələr Lənkəran hadisəsini İsa Qəmbərə sui-qəsd hesab edir
Müsavat Partiyası və İctimai Palata Müsavat Partiyası başqanı İsa Qəmbər başda olmaqla, yanvarın 13-də Lənkərana gedən nümayəndə heyətinə basqınla bağlı bəyanat yayıb.
Hər iki sənəddə bu basqın iqtidarın birbaşa göstərişilə təşkil edilən və həyata keçirilən akt kimi dəyərləndirilir və qətiyyətlə pislənilir. Eyni zamanda, sənəddə bu basqın “terror dərəcəsində fiziki təxribat, mülki geyimli təhlükəsizlik əməkdaşları və öyrədilmiş şəxslərin törətməsi” sayılır. Hüquq-mühafizə orqanlarına xəbər verilməsinə, hadisədən sonra KİV-lərdə informasiyalar yayılmasına baxmayaraq, vətəndaşa qarşı cinayətə görə addım atılmaması “ölkədə ictimai-siyasi vəziyyətin, iqtidarın kriminal, mafioz mahiyyətinin ortaya qoyulması” hesab edilir. Müəlliflər prezidentliyə namizədliyini irəli sürmüş İ.Qəmbərə qarşı bu sui-qəsdi qarşıdakı prezident seçkilərində dövlət başçısı İlham Əliyevin siyasi rəqiblərinə hansı metodlardan istifadə edəcəyinin göstəricisi adlandırırlar. İqtidarın belə üsullara əl atması son zamanlar baş verən ifşalar nəticəsində zəifləməsi, siyasi mübarizə resurslarının tükənməsi, acizliyi sayılır. Həm də bu üsullarla rejimin labüd sonunun qarşısını ala bilməyəcəyi xəbərdarlığı edilib.
Xalqı siyasi həyatda fəal olmağa çağıran bəyanatda rejimin aqoniya mərhələsi yaşadığı, “tarixin arxivinə” göndərilməsinin çox qısa zaman məsələsi olduğu deyilir.
Baş vermiş hadisə ilə bağlı Seçkilərin Monitorinqi və Demokratiyanın Tədrisi Mərkəzi (SMDTM) ictimai birliyi də bəyanat yayıb. Qurum basqını “siyasi ayrı-seçkilik zəminində zorakılıq” adlandırır. Hüquq-mühafizə orqanları hadisəyə siyasi motivlə yanaşmaqda ittiham edilir. Qurum basqını müxalif partiyanın siyasi fəaliyyət imkanlarının zorakı yolla məhdudlaşdırılması kimi dəyərləndirir, cinayətkarların məsuliyyətə cəlb olunmasını tələb edir. -05D-
-
- Siyasət
- 14 Yanvar 2013 15:35
-
- İqtisadiyyat
- 14 Yanvar 2013 16:30
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz