Bakı/27.02.20/Turan: Xətai rayon məhkəməsi cümə axşamı Xalq Cəbhəsi Partiyasının sədrinin müşaviri Məmməd İbrahimi 10 gün müddətinə həbs edib. O, İnzibati Xətalar Məcəlləsinin 535.1-ci (polisin qanuni tələblərinə tabe olmama) maddəsi ilə təqsirli bilinib.
AXCP-də İbrahimin həbsini siyasi sifariş kimi qiymətləndiriblər. -21С-
* * *
2020 Fevral 27 (Cümə axşamı) 13:51:37
AXCP üzvlər saxlanılıb
Bakı/25.02.20/Turan: Azərbaycan Xalq Cəbhəsi Partiyasının üzvləri Asif Yusifli və Məmməd İbrahim polis tərəfindən saxlanılaraq Xətai Rayon 37-ci polis bölməsinə aparılıb.
Bu bərədə AzadlıqRadiosuna Yusiflinin özü bildirib. Onun sözlərinə görə, Xocalı abidəsinin ziyarətindən sonra yolda polis tərəfindən saxlanılıblar. "Məmməd bəyin böyrəyində sancılar başlayıb və biz xəstəxanaya gedirdik. Polislər maşını saxlayıb bildiriblər ki, yollar bağlıdır və oradan keçmək olmaz. Maşında xəstə adam olduğunu nə qədər desək də, bizə bu yolla getməyə icazə vermədilər. Əvvəl mehriban danışıblar, Məmməd İbrahimin isə "günah onlarda deyil, onlara tapşırıq verənlərdədir" deyəndən sonra aqressivləşiblər. Biləndə ki, biz AXCP üzvüyük harasa zəng vurublar, sonra isə bizi bölməyə aparıblar. Məmməd İbrahimin bölmədə ikinci dəfə böyrəyin sancısı tutub, Təcili yardım maşını gəlib, həkimlər ona ağrıkəsici iynə vurub".
Yusifli əlavə etdi ki, onun anket məlumatlarını alandan sonra sərbəst buraxıblar, Məmməd İbrahim isə bölmədə qalıb. "Çox güman ki, məhkəməyə aparacaqlar".
Məsələ ilə bağlı Daxili İşlər Nazirliyindən münasibət öyrənmək mümkün olmayıb. -0-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz