![Məmməd İbrahimin işi üzrə hazırlıq iclası](https://turan.az/resized/750/500/resize/media/2015/main/121800140842.jpg)
Məmməd İbrahimin işi üzrə hazırlıq iclası
Bu gün Bakının Nərimanov rayon məhkəməsində xuliqanlıqda ittiham olunan Xalq Cəbhəsi Partiyası sədrinin müşaviri Məmməd İbrahimin işi üzrə hazırlıq iclası keçirilib.
Vəkil Yalçın İmanovun Turan-a verdiyi məlumata görə, məhkəmə müdafiə tərəfin vəsatətlərindən birini - təqsirləndirilən şəxsin prosesdə vəkilin yanında oturması haqqında vəsatəti təmin edib.
Cinayət icraatına xitam verilməsi, həbs qətimkan tədbirinin başqa qətimkan tədbiri ilə dəyişidirilməsi haqqında digər vəsatətlər təmin edilməyib.
Hakim Turqay Hüseynov işə baxılmasını dekabrın 28-nə təyin edib.
Xatırladaq ki, İbrahimin həbsinə keçmiş partiya üzvü Mikayıl Quliyevin şikayəti səbəb olub. Sentyabrın 29-da onlar arasında münaqişə baş verib. AXCP-də hesab edirlər ki, partiyanın gözdən salınması məqsədilə İbrahimə qarşı təxribat törədilib.
İlkin olaraq İbrahimə qarşı CM-in maksimum 1 ilə qədər azadlıqdan məhrumetmə cəzası nəzərdə tutan 221.1-ci (xuliqanlıq) maddəsi ilə ittiham irəli sürülüb. Sonradan istintaq keçmiş tarixlə iki “zərərçəkmiş” cəlb edib və ittihamı 221.2.2-ci maddəyə tövsif edib ki, həmin maddə üzrə o, 5 ilədək azadlıqdan məhrum edilə bilər. -06B-
-
- İqtisadiyyat
- 18 Dekabr 2015 14:31
-
- İqtisadiyyat
- 18 Dekabr 2015 16:03
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz