arxiv
Bakı/23.09.16/Turan: BMT Baş Assambleyasının sessiyasında iştirakı çərçivəsində Azərbaycan XİN rəhbəri Elmar Məmmədyarov Nyu-Yorkda Aİ-nin xarici işlər və təhlükəsizlik üzrə Ali Nümayəndəsi Federika Mogerini ilə görüşüb.
XİN-in mətbuat xidmətinin məlumatına görə, görüşdə Azərbaycanın Aİ ilə münasibətlərinin cari vəziyyəti və inkişaf perspektivləri müzakirə olunub.
“Tərəflər Azərbaycan və Aİ arasında tərəfdaşlığın keyfiyyətcə yeni səviyyəyə çıxarılması üzrə danışıqlara tezliklə başlamağa hazır olduqlarını bildiriblər, energetika, nəqliyyat və kənd təsərrüfatı sahəsində əməkdaşlığın inkişafı üçün geniş potensial olduğunu qeyd ediblər”, deyə məlumatda bildirilir.
Qarabağ münaqişəsinə toxunan Məmmədyarov deyib ki, Azərbaycan problemin nizamlanması üzrə substantiv danışıqların tərəfdarıdır.
Mogerini öz növbəsində Aİ-nin Azərbaycanın ərazi bütövlüyünü, suverenliyini və müstəqilliyini dəstəklədiyini qeyd edib və münaqişənin sülh yolu ilə həllinin tərəfdarı olduğunu bildirib. -16D06-
Siyasət
-
Vəkil Fəxrəddin Mehdiyev bildirib ki, məhkəmənin hökmü ilə Əhsən Nuruzadə 2 ay müddətinə inzibati həbs edilib. Eyni zamanda həbsdə qalma müddəti nəzərə alınaraq, iki gün azaldılıb.
-
Klassik Xalq Cəbhəsi Partiyası COP29 ərəfəsində həbsdəki jurnalistlər və ictimai fəalların azad olunması üçün Azəbaycan hakimiyyətinə müraciət edib.
-
"X" sosial şəbəkəsində İranın dili lideri Əli Xameneinin Azərbaycan dilindəki hesabı (@az_Khamenei) bloklanıb. Bir müddət sonra səhifə açılıb, lakin bütün abunəçilər silinib. Bu gün səhifənin cəmi üç abunəçisi var.
-
Aİ parlament seçkilərindən əvvəl baş verən hadisələri diqqətlə izləyir. Son aylarda Gürcüstan xalqı demokratik dəyərlərə və ölkənin Aİ-yə inteqrasiya yoluna sadiqliyini nümayiş etdirib.
Rəy yaz