Bakı/22.09.16/Turan: Vergilər Nazirliyi rəhbərlik etdikləri şirkətin vergi borcu ilə bağlı ölkədən getmə hüququ məhdudlaşdırılanların siyahısını yeniləyib.
Siyahıda Bakı və rayonlar üzrə 486 müəssisə rəhbərinin adı yer alır.
Maraqlıdır ki, bir çoxları 5-10 və daha çox şirkətə rəhbərlik edir.
Vergilər Nazirliyinin «qara siyahı»sına gözlənilmədən bir neçə məşhur şirkətlər də daxil edilib. Onların arasında “Akkord Beton” MMC-nin (“Akkord sənaye-tikinti investisiya Şirkəti” ASC-nin törəməsi) rəhbəri Uğur Babayevin də adı var.
Azərbaycanın dövlət büdcəsinə borc üzündən əcnəbilər də ölkəsinə gedə bilmir. Məsələn, “Kemoniks İnternational İnc.”nin rəhbəri Morana Smodlaka, “Novanord Agroprom” şirkətinin direktoru Özcan Neşetin “EMCN Yapi Endustriyel İnsaat Sanayi ve Ticaret” şirkətinin direktoru Coşqun Nihat və s vergi borcunun “girovudur”.
Ölkədən çıxışa qadağa məhkəmənin qərarı əsasında olur. İddiaçı kimi Vergilər Nazirliyi çıxış edir. 08D
İqtisadiyyat
-
Azərbaycan hökuməti sosial müdafiəyə xüsusi ehtiyacı olan və işə düzəlməkdə çətinlik çəkən şəxslərin məşğulluğunu asanlaşdırmaq üçün yeni qaydalar qəbul edib. 29 dekabrda Nazirlər Kabineti tərəfindən təsdiq edilmiş qərar, dövlət və özəl sektorun əməkdaşlığı vasitəsilə iş yerlərinin yaradılmasına yönəlmiş məqsədli proqramları əhatə edir.
-
Nazirlər Kabineti xüsusi sosial müdafiə ehtiyacları olan və iş tapmaqda çətinlik çəkən şəxslərə dəstək məqsədilə məqsədli məşğulluq proqramlarını həyata keçirmək üçün yeni qaydaları təsdiqləyib. Dövlət Məşğulluq Agentliyi tərəfindən icra olunacaq bu tədbirlər prioritet iqtisadi sahələrdə iş yerlərinin yaradılmasını təşviq edir.
-
Nazirlər Kabineti 24 may 2024-cü il tarixində qəbul edilmiş qanuna uyğunluğu təmin etmək məqsədilə bir sıra normativ aktlara əsaslı düzəlişlərin edildiyini elan edib. Bu qanun Vergi Məcəlləsi, Gömrük Məcəlləsi, dövlət rüsumları və lisenziyalaşdırma haqqında qanunların yenilənməsinə yönəldilmişdir.
-
Nazirlər Kabineti, ölkənin elektrik infrastrukturunun gücləndirilməsi məqsədilə qəbul edilmiş yeni qanunlara uyğun olaraq, energetika sahəsində əhəmiyyətli dəyişikliklər edib. 29 dekabrda Baş Nazir Əli Əsədov tərəfindən imzalanan qərar, bir neçə əvvəlki hökumət qərarına dəyişikliklər tətbiq edir və elektrik istehsalı və avadanlıqların istismarı ilə bağlı əsas qaydaların ləğvini nəzərdə tutur.
Rəy yaz