Mərkəzi Seçki Komissiyası növbədənkənar prezident seçkilərilə bağlı tədbirlərin təqvim planını təsdiqləyib

Bakı/09.12.23/Turan:  Ötən gün Azərbaycan Mərkəzi Seçki Komissiyası 7 fevral 2024-cü ildə ölkədə təyin edilmiş növbədənkənar prezident seçkilərinin hazırlanması və keçirilməsi üzrə əsas tədbirlərin təqvim planını təsdiq edib.

Sənədə əsasən, artıq dekabrın 9-dan dövlət başçısı vəzifəsinə namizədlərin irəli sürülməsi prosesi başlayır.

Namizədlərin təsdiq olunub-olunmaması barədə əsaslandırılmış qərar iddiaçının sənədləri Mərkəzi Seçki Komitəsinə təqdim edildikdən sonra beş gün ərzində qəbul edilməlidir.

Namizəd təsdiqləndikdən sonra ona və ya onun səlahiyyətli şəxslərinə (siyasi partiyalar, siyasi partiyalar bloku) namizədin qeydiyyatı üçün zəruri olan 40 min seçicinin həqiqi imzalarını toplamaq üçün imza vərəqələri veriləcək.

Seçicilərin lazımi sayda imzası ilə qeydiyyata alınmaq üçün namizədlərin sənədlərinin qəbulu səsvermə gününə 50 gündən tez qalmayaraq və 30 gündən gec olmayaraq, yəni yanvarın 19-dan saat 18.00-dək həyata keçiriləcək.

Seçkiqabağı təşviqat mərhələsi seçki gününə 23 gün qalmış başlayacaq və səsvermə başlamadan 24 saat əvvəl başa çatacaq. Yəni namizədlərin lehinə təşviqat 15 yanvardan  6 fevral saat 08.00-dək 6-dək aparıla bilər.

Fevralın 7-də seçki günü seçki məntəqələrində səsvermə saat 08.00-da başlayacaq və saat 19.00-da başa çatacaq.

Gün ərzində beş dəfə - saat 10.00, 12.00, 15.00, 17.00 və 19.00-da seçkilərdə iştirakla bağlı ilkin məlumatlar açıqlanacaq.

Məntəqə və dairə seçki komissiyalarının protokollarında seçkilərin nəticələri barədə məlumatlar fevralın 7-i axşam və ondan sonrakı saatlarda MSK-nın saytında açıqlanacaq.

Səsvermə başa çatdıqdan sonra 24 saatdan gec olmayaraq məntəqə seçki komissiyaları seçkilərin nəticələrinə dair protokolların ilk nüsxələrini dairə seçki komissiyalarına təqdim etməlidirlər.

Dairə seçki komissiyaları seçkidən sonra 2 gündən gec olmayaraq, yəni fevralın 9-dək dairə üzrə səsvermənin nəticələri barədə protokolların ilk nüsxələrini MSK-ya təqdim etməlidirlər.

Protokollar dairələrdən daxil olduqdan sonra MSK dərhal seçkilərin ilkin ümumiləşdirilmiş nəticələrini elan etməlidir.

Seçkilərdən sonra 10 gün ərzində, yəni fevralın 17-dək Konstitusiya Məhkəməsi seçkilərin nəticələrini yoxlamalı və təsdiqləməlidir. – 06B-