Mexiko sakinləri Heydər Əliyevin abidəsini rədd edir

Mexiko Paytaxt Komissiyası cümə günü hökumətə Azərbaycanın eks-prezidenti Heydər Əliyevin bürünc abidəsini qaldırmağı tövsiyə edib. Bu abidənin bir müddət əvvəl paytaxtın əsas bulvarında yerləşdirilməsi tənqid atəşinə səbəb olub, bu barədə AP müxbiri Meksikadan xəbər verir.

Mexiko meriyası hələlik bu qərarla bağlı heç bir şərh vermir. İctimaiyyəti tənqidinə Heydər Əliyevin rəqiblərini boğan Stlin tipli diktat olması səbəb olub. Heykəl onun yerləşdiy parkın təmirinə 5 milyon dollar ödəyən Azərbaycan səfirliyinin dəstəyi ilə ucaldılıb. 

Meriya trəfindən təyin edilmiş üç yazıçı və analitikdən ibarət şəhər komissiyası bildirib ki, hakimiyyət xarici hökumətdən pul qəbul etməklə və əcnəbilərə Mexikonun ictimai yerlərində hansı siyasi xadimlərin və ya tarixi hadisələrin qeyd edilməli olması barədə qərar qəbul etmək imkanı verməklə səhvə yol verib.

“Əksər vətəndaşların fikrincə, Heydər Əliyevin abidəsi bulvardan qaldırılmalıdır”, deyə komissiya üzvü Gilyermo Osorno bildirib.

“Hesab edirik ki, ictimai yerlərdə təhqiredici, zərərli olan və beynəlxalq mübahisələr haqqında birtərəfli mülahizələri əks etdirən abidələr və küçə adları olmamalıdır”, deyə Osorno bildirib.

Etiraz edən Mexiko sakinləri SSRİ zamanında Kommunist Partiyasının rəhbəri, sonradan isə 1993-2003-cü illərdə prezident vəzifəsində Azərbaycana rəhbərlik edən avtoritar hakim Əliyevin abidəsinin quraşdırılması ilə təhqir olunduqlarını bildiriblər. 

Əliyevin abidəsinin üzərində onun “Vətənə sonsuz sədaqət, bütün dünyada ümumbəşəri sülh ideyalarına sevgisi ilə gözəl nümunə olması” haqqında yazı, həmçinin abidənin Mahatma Gandi, Avraam Linkoln və Meksikanın milli qəhrəanlarının abidələrinin yaxınlığında yerləşməsi tənqidçilərin qəzəbini daha da artırıb.

Azərbaycan səfirliyi ötən ay abidənin qaldırılmasının diplomatik münasibətləri poza biləcəyini bildirib və şəhər hökumətinin bu abidənin burada 99 il ərzində duracağı haqqında saziş imzaladığını xatırladıb.

Meriyanın mətuat xidməti bildirib ki, şəhər hakimiyyəti hələlik komissiyanın qərarları ilə bağlı qərar qəbul eməyiblər. Mer Marselo Ebrard qeyri-müəyyən cavab verib: “Biz bu tövsiyəni diqqətlə araşdırmaq niyyətindəyik ... və cavab verəcəyik”. Lakin Osorno bildirib ki, şəhər hakimiyyəti artıq Azərbaycana abidəni mədəniyyə mərkəzinə keçirməyi təklif edib. Bu, “daha münasib olardı”, deyə o bildirib.

Komissiya həmçinin meydanın mərkəzində Azərbaycan tərəfindən maliyyələşdirilən ikinci Txcoaque abidəsinin dəyişdirilməsini tövsiyə edib. Bu abidə Ermənistanla münaqişə zamanı yüzlərlə azərbaycanlının qətlə yetirildiyi Xocalı hadisələrinin qurbanı olan qadını əks etdirir.

Komissiya abidənin üzərində “soyqırım” haqqında xatirə lövhəsini səhv hesab edib. Komissiya bildirib ki, burada həlak olan meksikalıların xatirəsini anmaq daha uyğun olardı. “Hesab edirik ki, bu yer zorakı itki, işgəncə və edam qurbanlarına həsr edilməlidir”, deyə Osorno bildirib. -02D-