Miili Şura: Ə.İbrahimov terrora və İsrailə qarşı cihada cağırıb

Miili Şura  Əflan İbrahimov barəsində videomaterial yayıb -

http://files.mail.ru/A2E9351AC0B3469CAA89E5A22EF9CBBF.

MŞ-nın İcra Aparatının Mətbuat Xidmətinin bunula əlaqədar məlumatında deyilir:  

“Təqdim etdiyimiz bu videoda hazırda Eldar Namazova, EL hərəkati və  Milli Şura rəhbərliyinə qarşı  ixtişaş törətmək ittihamı ilə çıxış edən Əflan İbrahimov Azərbaycan müsəlmanlarını terrora, İsrail dövlətinə qarşı cihada çağrırır.  Ramazan Bayramı zamanı toplantıların birində lentə alınan bu çıxış içlas iştirakçılarının heyrətinə səbəb olub. Çünki toplantının mahiyyəti üzrə edilməyən çıxışda Ə.İbrahimovun təxribatçı olduğu açıq görünür. Bu video hazırda Milli Şura rəhbərliyini əsassız və heç bir sübut olmadan ixtişaş törətməkdə ittiham edən və özünü İlham Əliyevin tərəfdarı kimi təqdim edən Ə.İbrahimovun özünün qanunları necə pozmasının, ölkəmiz ücün beynalxalq miqyasda agır nəticələrə gətirə biləcək təxribatlara əl atmasının açıq-aydın sübutudur. Azərbaycan Respublikasının Baş Prokurorlugun belə təxribatçı ünsürlərin yalançı xəbərçilik əsasında demokratik düşərgənin liderlərindən saatlarla yersiz izahat tələb etdiyi bir vaxtda açıq-aydın sübüt olunan cinayətlərə göz yumması bütün bu “ixtişaş”  şousunun siyasi sifariş oldugunun bariz təsdiqidir.  Bu videomaterial yerli media ilə yanaşı Azərbaycanda fəaliyyət göstərən ABŞ, İsrail və Avropa ölkələrinin səfirliklərinə də təqdim olunub”.—0--