![Millət vəkili Fazl-ur Rahman: Pakistan daim Azərbaycanın yanındadır](https://turan.az/resized/./turan-750-500-resize.webp)
Millət vəkili Fazl-ur Rahman: Pakistan daim Azərbaycanın yanındadır
Qafqaz Müsəlmanları İdarəsinin (QMİ) sədri, Şeyxülislam Allahşükür Paşazadə Azərbaycanda səfərdə olan Pakistan parlamentinin aşağı palatasının deputatı Maulana Fazl-ur Rahmanın başçılıq etdiyi nümayəndə heyətini qəbul edib.
A.Paşazadə F.Rahmanın hələ sovet dönəmində, yəni 1986-cı ildə Bakıda olduğunu deyib. QMİ sədri Pakistan millət vəklini Qarabağ savaşında birmənalı olaraq Azərbaycanı dəstəkləməsinə görə “Azərbaycanın dostu” adlandırıb. Beynəlxalq tədbirlərdə Qarabağ məsələsini Pakistanın “Kəşmir məsələsi”ndən ayrı tutmayıb.
A.Paşazadə Azərbacyanda dərin əsaslı dini tolerantlıq olmasına xüsusi diqqət çəkib. Ölkədə yeni məscidlərin açıldığı, dini icmaların sayının kifayət qədər artdığı vurğulanıb. Azərbaycan bu dini tolerantlığın digər islam ölkələrində də bərqərar olmasını arzu edib.
Pakistanlı qonaq “Azərbaycana hörmətimiz əbədidir”, deyə sözə başlayıb. Harada olmasından asılı olmayaraq, daim Azərbaycanın yanında olacağı vədi verib. Azərabycana ilk dəfə 1986-cı ildə, ikinci dəfə isə indi gəldiyini xatırladan F.Rəhman çox böyük müsbət dəyişikliklər gördüyünü söyləyib. Yalnız Pakistan-Azərbaycan münasibətlərinin dəyişmədən yüksək səviyyədə qaldığını qeyd edib.
Pakistanın Qarabağ məsələsində Azərbaycanı dəstəklədiyini deyən natiq Kəşmir məsələsində də Azərbaycanın Pakistanın yanında olduğunu nəzərə çatdırıb.
Azərbaycana səfərdən məmnun qaldığını deyən F.Rahman QMİ sədrini Pakistana səfərə dəvət edib.
Tədbirin sonunda qonaqlara xatirə hədiyyələri bağışlanıb. -05C-
-
- İqtisadiyyat
- 28 Noyabr 2012 16:26
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz