Bu gün Bakıda Azərbaycan-Latviya biznes forumu keçirilib

Bu gün Bakıda 200 sahibkarın iştirakı ilə Azərbaycan-Latviya biznes forumu keçirilib. İki ölkənin biznes dairələrinin görüşü Latviya Respublikasının baş naziri Valdis Dombrovskisin Azərbaycana səfərinə həsr edilib. 

İkitərəfli görüşün keçirilməsi üçün , maliyyə, inşaat, qida sənayesi, kənd təsərrüfatı, maşınqayırma, nəqliyyat, turizm, sənaye, əczaçılıq və s üzrə çalışan 72 şirkətin 90-dan çox nümaəyəndəsi Bakıdadır, deyə İqtisadi İnkişaf Nazirliyinin mətbuat xidmətində Turan-a bildiriblər.  

İqtisadi İnkişaf naziri Şahin Mustafayev dövlət başçılarının qarşılıqlı səfərlərinin, aparılan danışıqların ikitərəfli əlaqələrin inkişafında mühüm əhəmiyyətini vurğulayıb. Azərbaycan-Latviya əlaqələrinin genişlənməsində indiyədək 4 iclası keçirilmiş Hökumətlərarası Komissiyanın fəaliyyəti əhəmiyyətli rol oynayır.

Nazirin sözlərinə görə, 2011-ci ildə iki ölkə arasında ticarət dövriyyəsi əvvəlki illə müqayisədə 2,5 dəfə artıb. Bu gün Azərbaycanda xidmət, sənaye, ticarət, bank və sığorta sahələrində Latviya investisiyalı 17 şirkət fəaliyyət göstərir.

Latviyanın baş naziri qeyd edib ki, dövləti Azərbaycanla əməkdaşlığa xüsusi önəm verir. O, iş adamlarını fəal əməkdaşlığa dəvət edib. 

Forum biznes nümayəndələrinin ikitərəfli görüşü ilə davam edib. 08D