Tbilisi/28.11.12/Turan-BS PRESS: Abxaziyadan dəmir yolu hərəkətinin bərpası, o cümlədən 1992-ci ildən fəaliyyətsiz qalan Abxaziya dəmir yolunun bərpası məsələsi gündəlikdən çıxarılsın. Bu barədə Tbilisidə jurnalistlərə Gürcüstanın reinteqrasiya məsələləri üzrə dövlət naziri Paata Zakareişvili bildirib.
Bir müddət əvvəl o, Gürcüstan hakimiyyətinin “Abxaziyanın izolyasiyadan çıxarılması strategiyası” çərçivəsində Rusiya ilə dəmir yolu əlaqəsini bərpa etməyə hazır olduğunu bildirmişdi.
“Bu mövzu Abxaziya tərəfi maraq göstərmədikdən sonra demək olar ki, dərhal bağlanıb. Məsələ demək olar ki, bu ideyanın səslənməsindən dərhal sonra bağlanıb”, deyə dövlət naziri bildirib.
Gürcüstanın Abxaziya vasitəsilə Rusiya ilə dəmir yolu əlaqəsi 1992-1993-cü illərdə münaqişədən sonra kəsilib.
Azərbaycan bu ideyaya qarşı kəskin etiraz edərək, bunu Ermənistanın blokadadan çıxarılması cəhdi kimi qiymətləndirib. Öz növbəsində, Yerevan yolun açılması ideyasını alqışlayıb. -02D-
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Fevralın 4-də vəkil Zibeydə Sadıqova 1saylı Bakı İstintaq Təcridxanasında “Meydan” TV” işi üzrə həbs olunmuş müxbir Natiq Cavadlı ilə görüşüb.
-
Çərşənbə axşamı ABŞ prezidenti Donald Tramp ilk beynəlxalq qonağını - İsrailin baş naziri Binyamin Netanyahunu Ağ Evdə qarşılayıb.
-
Jurnalist Şəmşad Ağa gecə saatlarında polis tərəfindən saxlanılıb. Bu barədə jurnalistin qardaşı Şahid Ağayev Amerikanın Səsinə bildirib.
Rəy yaz