![Milli Şura 15 marta mitinq təyin etdi](https://turan.az/resized/750/500/resize/media/2015/main/030100108354.jpg)
Milli Şura 15 marta mitinq təyin etdi
Milli Şuranın Koordinasiya Mərkəzinin bu gün növbəti iclası keçirilib. İclasda ölkədəki ictimai siyasi vəziyyət, manatın devolvasiyası, vətəndaş cəmiyyəti fəallarına qarşı davam edən repressiyalar və digər məsələlər müzakirə olunub. Bu barədə koordinasiya mərkəzinin acıqlamasında bildirilir.
İclasda hakimiyyətin təkcə siyasi sahədə deyil, iqtisadi sahədə də yürütdüyü yarıtmaz siyasət kəskin tənqid edilib. Ölkə iqtisadiyyatının neftdən asılığı xususi vurgulanmaqla, neft gəlirlərinin səmərəsiz istifadə olunması və heç bir qabaqlayıcı tədbirlər görülmədən Milli Bankın 21 fevralda rəsmi qərarla milli valyutamızın- manatın dəyərdən salınması və bahalaşmanın genişlənməsi ölkədə çoxdan gözlənilən iqtisadi tənəzzülün, iflasın nəticəsi kimi qiymətləndirilib. Yarıtmaz iqtisadi siyasətə etiraz əlaməti olaraq qərar alınıb ki, 15 mart 2015- ci ildə Milli Şuranın “Talançılığa son” şuarı ilə mitinqi keçirilsin. Mitinq üçün Bakı şəhər İcra Hakimiyyətinə rəsmi müraciət göndərilməsi qərara alınıb.
Koordinasiya Mərkəzinin iclasında Rusiya müxalifətinin aparıcı simalarından olan Boris Nemtsovun qətlə yetirilməsi kəskin pislənilib. Bu münasibətlə müvafiq nekroloqun hazırlanması və baş sağlığının verilməsi qərara alınıb.
Toplantıda eyni zamanda tanınmış jurnalist, Milli Şuranın Koordinasiya Mərkəzinin üzvü Şahvələd Çobanoğlunun istintaqa çağrılması və onun son 7 illik fəaliyyəti ilə bağlı vergi yoxlamasının aparılmasına dair məhkəmə qərarının çıxarılması hakimiyyətin siyasi sifarişi kimi qiymətləndirilmiş və bununla bağlı Milli Şuranın etiraz bəyanatının hazırlanması qərara alınıb.
İclasda tanınmış hüquq müdafiəçisi Leyla Yunusun və onun həyat yoldaşı, politoloq Arif Yunusun həbs müddətinin uzadılması, araşdırmaçı jurnalist Xədicə İsmayılla bağlı həbsxanada qapalı məhkəmə prosesinin keçirilməsi və onun qanunsuz cərimələnməsi haqında məhkəmə hökmünün çıxarılması, Göyçayda fəaliyyət göstərən hüquq müdafiəçisi, keçmiş siyasi məhbus Taleh Xasməmmədovun şərlənərək yenidən həbs olunması pislənilmiş, onun və həbsdə olan digər siyasi məhbusların qeyd- şərtsiz azadlığa buraxılması tələb olunub.—06D--
-
- Cəmiyyət
- 28 Fevral 2015 17:25
-
- Mədəniyyət
- 1 Mart 2015 19:56
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz