Azərbaycan Demokratik Qüvvələrinin Milli Şurasının (ADQMŞ) Koordinasiya Mərkəzi cümə günü siyasi məhbuslara dəstək üçün bazar günü keçirəcəyi mitinqin proqramını müzakirə edib.
Azərbaycanın siyasi məhbuslarsız ölkəyə çevrilməsi uğrunda mübarizəyə başlanması, insanların siyasi motivlərlə təqibinin yolverilməz olduğu haqqında əsas tezislər və ictimaiyyətə mesajlar müzakirə olunub.
ADQMŞ-nin təşkil etdiyi mitinq oktyabrın 12-də saat 15-dən 17-dək Yasamal rayonunda “Məhsul” stadionunda keçiriləcək. Hakimiyyət uzunmüddətli fasilədən sonra bu il ilk dəfə müxalifətə kütləvi tədbir keçirməyə icazə verib.
MŞ sədri Cəmil Həsənli Turan-a bildirib ki, minlərlə insan sosial şəbəkələr vasitəsilə mitinqdə iştirak etməyə hazır olduğunu ifadə edib.
Azərbaycanda yüzdən çox siyasi məhbus var. Son iki ayda bir çox aparıcı hüquq müdafiəçiləri və vətəndaş cəmiyyəti fəalları həbs edilib.
Buna cavab olaraq Avropa İttifaqının və ABŞ-ın Əliyevin prezident administrasiyasının ünvanına tənqid güclənib. -0-
Siyasət
-
Azərbaycan Xalq Cəbhəsi Partiyasının (AXCP) Xəzər rayonu şöbəsinin fəalı Əlisahib Kərimov yanvarın 10-da Nizami metrostansiyasında saxlanılaraq Yasamal Rayon Məhkəməsinin qərarı ilə İnzibati Xətalar Məcəlləsinin polisin qanuni tələbinə tabe olmamaq maddəsi ilə günahlandırlaraq 30 sutka inzibati həbsə məhkum edilib.
-
Müstəqil jurnalist Xanım Mustafayeva yanvarın 11-də Azərbaycandan xaricə gedə bilməyib. Bakı hava limanında ona bildiriblər ki, qadağa Azərbaycanın Daxili İşlər Nazirliyi tərəfindən qoyulub. Lakin jurnalistin hüquqlarının məhdudlaşdırılmasının səbəbləri ona izah edilməyib.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
Rəy yaz