![Milli Şura Rüstəm İbrahimbəyovun prezidentliyə namizədliyini irəli sürməyə hazırlaşır (YENİLƏNİB)](https://turan.az/resized/750/500/resize/media/2013/main/070100041147.jpg)
Milli Şura Rüstəm İbrahimbəyovun prezidentliyə namizədliyini irəli sürməyə hazırlaşır (YENİLƏNİB)
Demokratik Qüvvələrin Milli Şurasının (DQMŞ) iyulun 2-nə planlaşdırılan sessiyasında bu ictimai qurumun rəhbəri Rüstəm İbrahimbəyovun prezidentliyə namizədliyinin irəli sürülməsi gözlənilir. Bu barədə Turan-ın DQMŞ-də təmsil olunan aparıcı siyasi qüvvələrin nümayəndələri ilə keçirdiyi sorğu xəbər verir.
“Düşünürəm ki, iyulun 2-də vahid namizəd məsələsi həll olunacaq. Buna alternativ yoxdur. Vaxt gedir, təxirə salmağın mənası yoxdur və məncə, sağlam düşüncə qalib gələcək”, - EL hərəkatı sədrinin müavini Zəfər Quliyev bildirib.
Onun sözlərinə görə, EL hərəkatı Rüstəm İbrahimbəyovun namizədliyini dəstəkləmək niyyətindədir.
AXCP də R.İbrahimbəyovu dəstəkləmək niyyətindədir. “Bizim mövqeyimiz birmənalıdır: biz vahid namizəd kimi Milli Şuranın sədri Rüstəm İbrahimbəyovu dəstəkləyirik”, - AXCP Ali Məclisinin sədri Həsən Kərimov bildirib.
Açıq Cəmiyyət Partiyasının sədri Sülhəddin Əkbər deyib ki, onun partiyası R. İbrahimbəyovu dəstəklədiyini öncədən bildirib.
“Liberal Partiyası da öz namizədini dəstəkləyəcək. Bu, R.İbrahimbəyovdur. Biz bu barədə iyunun 6-da bəyan etmişik”, - Liberal Partiyasının rəhbəri Əvəz Temirxanov vurğulayıb.
Müsavat Partiyasının lideri İsa Qəmbər şərh verməyərək deyib ki, sessiya açıq olacaq və jurnalistlərin baş verənləri müşahidə etmək imkanları olacaq.
Öz növbəsində İctimai Palatanın Koordinasiya Şurasının üzvü Pənah Hüseyn deyib ki, vahid namizədliyə iddiaçılar sırasında yalnız Rüstəm İbrahimbəyovun adı çəkilir.—06B--
2013 İyul 01 (Bazar ertəsi) 17:35:14
İyulun 2-də Demokratik Qüvvələrin Milli Şurasının (DQMŞ) 2-ci sessiyası keciriləcək
Milli Şuranın İcra Aparatının mətbuat xidmətindən Turan-a verilən məlumata görə, sessiyanın gündəliyinə Milli Şuranın prezidentliyə vahid namizədinin üzərinə götürəcəyi öhdəliklərlə bağlı memorandum layihəsi, vahid namizədin irəli sürülməsi, Milli Məclisə, Baş Prokurorluğa və Mərkəzi Seçki Komissiyasına müraciət , vahid namizədin seçki qərargahının formalaşdırılması üçün tövsiyə qərarı olacaq.-16D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz